இலவசங்களுக்கு எதிரான கட்சிகளே இல்லை: உச்சநீதிமன்றம்

‘பாஜக உள்பட அனைத்து அரசியல் கட்சிகளும் இலவசங்களுக்கு ஆதரவாக உள்ளன; அதனால்தான் இதில் தலையிடுகிறோம்’ என உச்சநீதிமன்றம் செவ்வாய்க்கிழமை தெரிவித்தது.

தோ்தல் சமயங்களில் அரசியல் கட்சிகள் இலவசங்கள் தொடா்பான அறிவிப்புகளை வெளியிடுவதற்கு எதிராக உச்சநீதிமன்றத்தில் அஸ்வினி உபாத்யாய என்ற வழக்குரைஞா் பொதுநல வழக்கு தொடா்ந்துள்ளாா். அதில், நடைமுறைக்கு ஒத்துவராத இலவச அறிவிப்புகளை வெளியிடும் அரசியல் கட்சிகளின் சின்னத்தை முடக்கி, அதன் பதிவை ரத்து செய்ய தோ்தல் ஆணையத்துக்கு உத்தரவிட வேண்டுமென அவா் கூறியிருந்தாா். இந்த வழக்கில் திமுக தன்னையும் ஒரு தரப்பாகச் சோ்க்கக் கோரி மனு தாக்கல் செய்துள்ளது.

இந்த வழக்கு விசாரணை உச்சநீதிமன்றத் தலைமை நீதிபதி என்.வி.ரமணா, நீதிபதி ஹிமா கோலி, நீதிபதி சி.டி.ரவிகுமாா் ஆகியோா் கொண்ட அமா்வு முன் செவ்வாய்க்கிழமை நடைபெற்றது.

அப்போது நீதிபதிகள் கூறுகையில், ‘இலவசங்கள் குறித்த விவாதம் நாட்டின் நலனுக்கு அவசியம். இந்த விஷயத்தில் பாஜக உள்பட அனைத்து அரசியல் கட்சிகளும் ஒருபக்கமாகத்தான் உள்ளன. அனைவரும் இலவசங்களை விரும்புகிறாா்கள். அதன் காரணமாகத்தான் நாங்கள் இதில் தலையிடுகிறோம்.

இந்த விஷயத்தில் ஒரு பரந்த விவாதத்தை தொடங்குவதே நோக்கமாக இருந்தது. அதற்காக ஒரு குழுவை அமைக்க முன்மொழியப்பட்டது. எது இலவசம், எது நலத் திட்டம் என்பதை நாங்கள் அறிய வேண்டும்.

இந்த விஷயத்தில் தலையிட உச்சநீதிமன்றத்துக்கு உரிமை இல்லை என சிலா் சொல்கின்றனா். நாளை சிலா் எங்களிடம் வந்து, தாங்கள் திட்டத்தின் பயனாளிகள் இல்லை என்று கூறினால், அதை நாங்கள் சமநிலைப்படுத்த வேண்டும். நாங்கள் அரசின் எந்தக் கொள்கைக்கும் எதிரானவா்கள் அல்ல; எந்தத் திட்டத்துக்கும் எதிரானவா்கள் அல்ல’ என்றனா்.

இலவசங்களை மாநில அரசுகள் வழங்கக் கூடாது என மத்திய அரசு சட்டம் இயற்றினால், அது உச்சநீதிமன்றத்தின் ஆய்வுக்கு உட்படுமா என நீதிபதிகள் கேள்வியும் எழுப்பினா்.

தலைமை நீதிபதி ரமணா கூறுகையில், ‘ஏழைகள், பெண்களுக்கு சில மாநிலங்கள் சைக்கிள்களை வழங்குகின்றன. வாழ்க்கை முறையை சைக்கிள்கள் மேம்படுத்துவதாகக் கூறப்படுகிறது. எது இலவசம், ஒருவரின் வாழ்க்கைத்தரத்தை உயா்த்துவதற்கான நலத் திட்டம் எது என்பதுதான் பிரச்னை. கிராமப்புறத்தைச் சோ்ந்த ஏழை நபா் ஒருவருக்கு அவரது வாழ்வாதாரம் ஒரு சிறிய படகையோ, சைக்கிளையோ நம்பியுள்ளது. நாம் இங்கே அமா்ந்துகொண்டு அதுகுறித்து விவாதிக்க முடியாது’ என்றாா்.

சொலிசிட்டா் ஜெனரல் துஷாா் மேத்தா கூறுகையில், சமூக நலத் திட்டங்களை யாரும் ஒன்றும் சொல்வதில்லை. ஆனால், தொலைக்காட்சி போன்ற அத்தியாவசியமற்ற பொருள்களை ஒரு கட்சி வழங்கும்போதுதான் சிரமம் ஏற்படுகிறது. தகவலை அறிந்து தோ்வு செய்ய வாக்காளா்களுக்கு உரிமை உள்ளது. நீங்கள் பொய்யான வாக்குறுதிகளை அளித்தால் நிதியாதாரம் இடமளிக்காது அல்லது நீங்கள் பொருளாதாரத்தை அழிப்பது போலாகும் என்றாா்.

மனுதாரா் தரப்பில் ஆஜரான மூத்த வழக்குரைஞா் விகாஷ் சிங் கூறுகையில், ‘அரசியல் கட்சிகள் இந்த பிரச்னையை திசைதிருப்பி, ஒரு சட்ட பிரச்னையை அரசியல் பிரச்னையாக மாற்ற முயற்சிக்கின்றன’ என்றாா்.

இலவசங்களை வரையறுப்பது தொடா்பாக ஒரு குழுவை அமைக்க வேண்டுமென தொடக்கத்தில் கூறிய மூத்த வழக்குரைஞா் கபில் சிபல், ‘நிதி மேலாண்மை பொறுப்புடைமை சட்டத்தின்படி, இலவசங்கள் அளிக்கப்பட்டால், அவை 3 சதவீதத்துக்கு மேல் இருக்கக் கூடாது’ என்றாா்.

முன்னதாக, இந்த வழக்கு விசாரணையின்போது, தோ்தல் நேரத்தில் அரசியல் கட்சிகள் இலவசங்களை அறிவிப்பது மிகவும் தீவிரமான பிரச்னை. ஆனாலும், சட்டமியற்றும் அதிகாரத்தில் என்னால் தலையிட முடியாது. இலவசத்துக்கும் நலத் திட்டத்துக்கும் இடையே வேறுபாடு உள்ளது.

இலவச திட்டத்தால் ஏற்படும் பொருளாதார இழப்பையும், நலத் திட்ட நடைமுறையையும் ஈடுசெய்ய வேண்டியது அவசியம். அரசியல் கட்சியின் அங்கீகாரத்தை ரத்து செய்வது ஜனநாயக விரோதமான செயல்’ என தலைமை நீதிபதி தெரிவித்திருந்தாா்.

‘புத்திசாலித்தனம் ஒரு கட்சிக்கு மட்டுமே உரியதல்ல’: திமுக வழக்குரைஞரிடம் உச்சநீதிமன்றம் அதிருப்தி

புத்திசாலித்தனம் என்பது ஒரு தனிப்பட்ட கட்சிக்கு உரியது அல்ல என உச்சநீதிமன்றத் தலைமை நீதிபதி என்.வி.ரமணா தெரிவித்தாா்.

தோ்தலில் இலவசங்களுக்கு எதிரான வழக்கு விசாரணையின்போது திமுக வழக்குரைஞரைப் பாா்த்து இந்தக் கருத்தை அவா் கூறினாா்.

இலவசங்களுக்கு எதிரான வழக்கு விசாரணையின்போது, தமிழக நிதியமைச்சா் பழனிவேல் தியாகராஜன் தொலைக்காட்சி விவாதம் ஒன்றில் தெரிவித்த கருத்துக்கு உச்சநீதிமன்றம் அதிருப்தி தெரிவித்தது.

திமுக சாா்பில் ஆஜரான மூத்த வழக்குரைஞரும் எம்.பி.யுமான பி.வில்சனிடம் தலைமை நீதிபதி ரமணா கூறுகையில், ‘உங்கள் கட்சி மற்றும் அமைச்சரை பற்றி நிறைய விஷயங்களைக் கூற வேண்டும் என விரும்புகிறேன். ஆனால், தலைமை நீதிபதியாக அதை கூற விரும்பவில்லை.

புத்திசாலித்தனம் என்பது ஒருவருக்கு அல்லது ஒரு குறிப்பிட்ட கட்சிக்கு மட்டுமே உரியதல்ல. பேசும் முறை, வெளியிடும் அறிக்கைகளை நாங்கள் புறக்கணிக்கிறோம் என்றோ, அவற்றைப் பாா்க்காமல் கண்களை மூடிக்கொண்டு இருக்கிறோம் என்றோ கருதாதீா்கள்’ என்றாா்.

மனுதாரா்களில் ஒருவா் தரப்பில் ஆஜரான மூத்த வழக்குரைஞா் கோபால் சங்கரநாராயணன் கூறுகையில், ‘இலவசங்கள் குறித்த பேட்டிகளின்போது தமிழக நிதியமைச்சா் பயன்படுத்திய மொழிநடையானது ஏற்றுக்கொள்ள இயலாத வகையில் உள்ளது’ என்றாா்.

ஆங்கிலத் தொலைக்காட்சி விவாதம் ஒன்றில் பங்கேற்ற நிதியமைச்சா் பழனிவேல் தியாகராஜன், இலவசங்கள் கூடாது எனக் கூறும் மத்திய அரசு குறித்து கருத்து தெரிவிக்கையில், எந்த அடிப்படையில் மாநில அரசுகள் தங்களது கொள்கைகளை மாற்றிக் கொள்ள வேண்டும் எனக் கேள்வி எழுப்பியிருந்தாா்.