ஹிமாசல பிரதேசம் சட்டப்பேரவைத் தேர்தலில் காங்கிரஸ் தொடர்ந்து முன்னிலை பெற்று வருகின்றது.

ஹிமாசல பிரதேசத்தில் 68 இடங்களைக் கொண்ட சட்டப்பேரவைக்கு நவம்பா் 12-ஆம் தேதி ஒரே கட்டமாகவும் தோ்தல் நடைபெற்றது. இதில் பதிவான வாக்குகளை எண்ணும் பணி இன்று காலை முதல் நடைபெற்று வருகின்றது.

தொடக்கத்தில் பாஜக முன்னிலை வகித்த நிலையில், அடுத்தடுத்த சுற்றுகளில் காங்கிரஸ் முன்னிலை வகிக்க தொடங்கியுள்ளது. பெரும்பான்மைக்கு 35 தொகுதிகள் தேவைப்படும் நிலையில், நீண்ட நேரமாக காங்கிரஸ் 36 தொகுதிகளில் முன்னிலை வகித்து வருகிறது.

பாஜக 29 இடங்களில், பிற கட்சிகள் 3 இடங்களில் முன்னிலை பெற்றுள்ளது. ஆம் ஆத்மி எந்த தொகுதியிலும் இதுவரை முன்னிலை பெறவில்லை.

இதையும் படிக்க | குஜராத் சட்டப்பேரவையை கைப்பற்றுகிறது பாஜக!

ஹிமாசல பிரதேசத்தை பொறுத்தவரை 1985ஆம் ஆண்டுக்கு பிறகு இதுவரை ஆட்சியிலிருக்கும் கட்சி தேர்தலில் போட்டியிட்டு வெற்றி பெற்றதில்லை என்பது குறிப்பிடத்தக்கது.