ஒடிசாவின் கஜப்தி மாவட்டத்தில் லேசான நிலநடுக்கம் ஏற்பட்டதாக வானிலை ஆய்வு மையம் தெரிவித்துள்ளது.

இதுகுறித்து வானிலை ஆய்வு மையம் வெளியிட்ட தகவலில், 

இந்த நிலநடுக்கம் காலை 9.46 மணிக்கு 5 கி.மீ ஆழத்தில் ஏற்பட்டதாகவும், ரிக்டர் அளவில் 3.4 அலகுகளாகப் பதிவானதாகத் தெரிவித்துள்ளது. 

இந்த நிலநடுக்கத்தின் மையம் புவனேஸ்வரில் இருந்து 277 கிலோமீட்டர் தொலைவில் இருந்தது. இந்த நிலநடுக்கம் பர்லாகேமுண்டி நகரத்திலும் கஜபதி மாவட்டத்தின் பிற பகுதிகளிலும் உணரப்பட்டது. 

படிக்க: வங்கக்கடலில் உருவாகிறது காற்றழுத்த தாழ்வு மண்டலம்!

இது கஞ்சம் மாவட்டத்தில் உள்ள சுற்றுலா நகரமான தப்தபானியிலும் உணரப்பட்டது என்று ஐஎம்டி அதிகாரி ஒருவர் தெரிவித்தார். 

நிலநடுக்கத்தால் உயிர்ச் சேதமோ, பொருள் சேதமோ ஏற்பட்டதாக தகவல்கள் ஏதும் வெளியாகவில்லை.