பஞ்சாபில் காங்கிரஸ் கட்சியிலிருந்து பாரதிய ஜனதா கட்சியில் இணைந்த எம்.எல்.ஏ. ஒருவர் 6 நாள்களில் மீண்டும் பழைய கட்சிக்கே திரும்பியுள்ளார்.

உத்தரப் பிரதேசம், பஞ்சாப், உத்தரகண்ட் உள்ளிட்ட 5 மாநிலங்களுக்கு வரும் மார்ச் மாதத்தில் சட்டப்பேரவைத் தேர்தல் நடைபெறவுள்ளன. இந்த தேர்தலில் வெற்றி பெறுவதற்காக அனைத்து கட்சிகளும் பல்வேறு திட்டங்களை செயல்படுத்தி வருகின்றனர்.

இந்நிலையில், காங்கிரஸ் கட்சியை சேர்ந்த பஞ்சாப் சட்டப்பேரவை உறுப்பினர்கள் பல்வீந்தர் சிங் லத்தி, ஃபதேஜாங் சிங் பாஜ்வா ஆகியோர் கடந்த டிசம்பர் 28ஆம் தேதி மத்திய அமைச்சர் கஜேந்திர சிங் முன்னிலையில் பாஜகவில் இணைந்தனர்.

இதையடுத்து பஞ்சாப் முதல்வர் சரண்ஜீத் சிங் சன்னி மற்றும் காங்கிரஸ் தலைவர் ஹரிஸ் செளத்ரி ஆகியோருடன் நேற்று இரவு பல்வீந்தர் ஆலோசனை நடத்தினார்.
இந்த ஆலோசனையில் சமரசம் ஏற்பட்டதையடுத்து காங்கிரஸ் கட்சியில் மீண்டும் பல்வீந்தர் திங்கள்கிழமை காலை இணைந்தார்.