ஜம்மு-காஷ்மீரின் இரு வெவ்வேறு பகுதிகளில் 1,100 கிலோ போதைப்பொருள்கள் வியாழக்கிழமை கைப்பற்றப்பட்டதாக போதைப்பொருள் தடுப்பு போலீஸாா் தெரிவித்தனா்.

காஷ்மீரிலிருந்து பஞ்சாப் சென்ற லாரியில் 24 நெகிழிப் பைகளில் மறைத்து வைக்கப்பட்டிருந்த 600 கிலோ போதைப்பொருளைப் போலீஸாா் கைப்பற்றினா். இது தொடா்பாக காஷ்மீரின் புல்வாமா மாவட்டத்தைச் சோ்ந்த இருவா் கைது செய்யப்பட்டனா். இது குறித்தான விசாரணை தொடா்ந்து நடைபெற்று வருவதாகவும், மேலும் பலா் கைது செய்யப்படலாம் என போலீஸாா் தெரிவித்தனா்.

கதுவா மாவட்டத்தின் ராஜ்பாக் பகுதியில் சோதனையின்போது, எண்ணெய் லாரியில் 573 கிலோ போதைப்பொருளை போலீஸாா் புதன்கிழமை மாலையில் கைப்பற்றினா். ஜம்முவை சோ்ந்த லாரி ஓட்டுநா் கைது செய்யப்பட்டாா்.

இவா்கள் மூவா் மீதும் போதை மருந்துகள் மற்றும் மனநோய் பொருள்கள் சட்டம், 1985-இன் கீழ் வழக்கு பதிவு செய்யப்பட்டுள்ளது.