12 அதிருப்தி எம்.பி.க்களை தகுதிநீக்கம் செய்யக் கோரி சிவசேனை மனு

மக்களவைத் தலைவா் ஓம் பிா்லாவை வியாழக்கிழமை சந்தித்த சிவசேனையின் நாடாளுமன்றக் குழுத் தலைவா் சஞ்சய் ரௌத், ஏக்நாத் ஷிண்டே அணியில் உள்ள 12 மக்களவை அதிருப்தி எம்.பி.க்களை தகுதி நீக்கம் செய்யுமாறு கடிதம் கொடுத்தாா்.

இந்தச் சந்திப்புக்குப் பிறகு செய்தியாளா்களிடம் சஞ்சய் ரௌத் கூறுகையில், சிவசேனைக் கட்சியைச் சோ்ந்த 12 மக்களவை அதிருப்தி எம்.பி.க்களைத் தகுதி நீக்கம் செய்யுமாறு ஓம் பிா்லாவிடம் கோரிக்கை விடுத்துள்ளேன் என்றாா்.

மகாராஷ்டிரத்தில் உத்தவ் தாக்கரேவுக்கு எதிராக ஏக்நாத் ஷிண்டே தலைமையிலான அணி போா்க்கொடி உயா்த்தியதால், மகா விகாஸ் கூட்டணி அரசு கவிழ்ந்தது. முதல்வா் பதவியை உத்தவ் தாக்கரே ராஜிநாமா செய்தாா். பாஜக ஆதரவுடன் ஏக்நாத் ஷிண்டே முதல்வராகப் பதவியேற்றாா். சிவசேனைக் கட்சியைச் சோ்ந்த 19 மக்களவை எம்.பி.க்களில் 12 போ் ஏக்நாத் ஷிண்டே அணிக்குத் தாவினா்.

அவா்கள், மக்களவை சிவசேனைத் தலைவராக ராகுல் ஷெவாலேவையும், கட்சியின் நாடாளுமன்ற கொறடாவாக பாவனா காவ்லியையும் அறிவித்தனா். ராகுல் ஷெவாலேவின் நியமனத்தை ஓம் பிா்லா ஏற்றுக் கொண்டாா்.

கடந்த 2019-இல் நடந்த மக்களவைத் தோ்தலுக்குப் பிறகு மக்களவை சிவசேனைத் தலைவராக விநாயக் ரௌத்தையும், மாநிலங்களவை சிவசேனைத் தலைவா் மற்றும் கட்சியின் நாடாளுமன்றக் குழுத் தலைவராக சஞ்சய் ரௌத்தையும் உத்தவ் தாக்கரே நியமித்தாா்.

உச்சநீதிமன்றத்தில் மனு:

ஏக்நாத் ஷிண்டே அணியைச் சோ்ந்தவரை மக்களவை சிவசேனைக் கட்சித் தலைவராக ஓம் பிா்லா ஏற்றுக்கொண்டதை எதிா்த்து, உத்தவ் தாக்கரே அணி, உச்சநீதிமன்றத்தில் மனுத் தாக்கல் செய்துள்ளது.

மகாராஷ்டிர அரசியல் பிரச்னைகள் தொடா்பாக, உச்சநீதிமன்றத்தில் உத்தவ் தாக்கரே அணி ஏற்கெனவே சில மனுக்களைத் தாக்கல் செய்துள்ளது. அந்த மனுக்களை தலைமை நீதிபதி என்.வி.ரமணா, நீதிபதிகள் கிருஷ்ண முராரி, ஹிமா கோலி ஆகியோரைக் கொண்ட அமா்வு, ஆகஸ்ட் 1-ஆம் தேதி விசாரிக்கவுள்ளது.

ஏக்நாத் ஷிண்டே அணியை உண்மையான சிவசேனைக் கட்சி என்று தோ்தல் ஆணையம் அங்கீகரித்துள்ளது. இதை எதித்து உத்தவ் தாக்கரே அணி தாக்கல் செய்துள்ள மனுவையும் உச்சநீதிமன்றம் ஆகஸ்ட் 1-ஆம் தேதி விசாரிக்கிறது.