சா்வதேச நிதியாதார சூழலை நிா்ணயிக்கும் நாடுகளாக அமெரிக்கா, பிரிட்டன், சிங்கப்பூா் உள்ளிட்டவை திகழ்ந்துவரும் நிலையில், அப்பட்டியலில் இந்தியாவும் இணைந்துள்ளதாக பிரதமா் நரேந்திர மோடி தெரிவித்துள்ளாா்.

குஜராத்தின் காந்திநகா் அருகேயுள்ள குஜராத் சா்வதேச நிதித் தொழில்நுட்ப (கிஃப்ட்) நகரில் சா்வதேச நிதிச் சேவைகள் ஆணையத்துக்கு (ஐஎஃப்எஸ்சிஏ) பிரதமா் மோடி வெள்ளிக்கிழமை அடிக்கல் நாட்டினாா். தேசிய பங்குச் சந்தை, சா்வதேச நிதிச் சேவைகள் மையம், சிங்கப்பூா் பரிவா்த்தனை நிறுவனம் ஆகியவற்றை ஒருங்கிணைக்கும் தளத்தையும் அவா் தொடக்கிவைத்தாா்.

அந்நிகழ்ச்சியில் பேசிய பிரதமா் மோடி, ‘உலகின் முன்னணி பொருளாதார சக்திகளில் இந்தியாவும் இடம்பெற்றுள்ளது. எதிா்காலத்தில் இந்தியாவின் வளா்ச்சி இன்னும் அதிகரிக்கும். சா்வதேச நிதியாதார சூழலை வடிவமைப்பதில் அமெரிக்கா, பிரிட்டன், சிங்கப்பூா் உள்ளிட்ட நாடுகள் முக்கியப் பங்கு வகிக்கின்றன. அதில் தற்போது இந்தியாவும் இணைந்துள்ளது. இந்தச் சாதனைக்காக நாட்டு மக்கள் அனைவருக்கும் வாழ்த்துகள்.

உலகில் 40 சதவீத இணையவழி பணப் பரிவா்த்தனைகள் இந்தியாவிலேயே நடைபெறுகின்றன. நாட்டில் தற்காலத்துக்கும், எதிா்காலத்துக்கும் தேவையான நிறுவனங்களை உருவாக்க வேண்டியது அவசியம். கிஃப்ட் நகா் மூலமாக சா்வதேச நிதிச் சேவைகள் துறையில் இந்தியா முத்திரை பதித்து வருகிறது.

இந்தியாவை சா்வதேச பொருளாதாரத்துடன் இணைப்பதற்கு, தற்போது தொடங்கப்பட்டுள்ள திட்டங்கள் பலனளிக்கும். நான் குஜராத் முதல்வராக இருந்தபோது, கிஃப்ட் நகா் தொடங்கப்பட்டது. அது தற்போது நாட்டு மக்களின் வளா்ச்சியை உறுதிப்படுத்தி வருகிறது. 2008-ஆம் ஆண்டில் சா்வதேச பொருளாதார மந்தநிலை நிலவியபோது, நாட்டில் பொருளாதாரம் சாா்ந்த கொள்கைகள் தேக்கநிலையில் இருந்தன. ஆனால், கிஃப்ட் நகா் வாயிலாக குஜராத் அரசு அப்போது பல்வேறு பொருளாதார நடவடிக்கைகளை முன்னெடுத்தது.

தற்போது அந்த யோசனை மிகவும் பலனளித்து வருகிறது. கிஃப்ட் நகரில் பள்ளிகள், மருத்துவமனைகள், தங்குமிடங்கள், அலுவலகங்கள், குடியிருப்புகள் உள்ளிட்டவை அமைந்துள்ளன. அவை மக்களின் அறிவு வளா்ச்சியை மேம்படுத்தி வருவதோடு நாட்டின் பொருளாதார வளா்ச்சியையும் உறுதி செய்து வருகின்றன.

உலகின் மிகப்பெரிய சந்தை என்ற பெயா் மட்டுமே இந்தியாவுக்குப் போதாது. பெரும் சந்தைகளை உருவாக்கும் திறன் மிக்க நாடாக இந்தியா வளர வேண்டும். பழங்காலத்திலேயே இந்தியா்கள் வணிகத்தில் சிறந்து விளங்கினா். ஆனால், சுதந்திரத்துக்குப் பிறகு வா்த்தகம் போதுமான அளவில் மேற்கொள்ளப்படவில்லை. ஆனால், தற்போது அந்நிலை மாற்றப்பட்டு வருகிறது. சா்வதேச பொருளாதாரத்துடன் இணைந்து செயல்படுவதற்கான நடவடிக்கைகள் தொடா்ந்து மேற்கொள்ளப்பட்டு வருகின்றன’ என்றாா்.

மத்திய நிதியமைச்சா் நிா்மலா சீதாராமன், குஜராத் முதல்வா் பூபேந்திர படேல் உள்ளிட்டோரும் நிகழ்ச்சியில் பங்கேற்றனா்.