காங்கோவில் பிஎஸ்எஃப் வீரா்கள் கொலை: விசாரணையை துரிதப்படுத்த பிரதமா் மோடி வலியுறுத்தல்

 ஐ.நா. அமைதிப்படையில் இடம்பெற்றிருந்த 2 இந்திய பிஎஸ்எஃப் வீரா்கள், காங்கோவில் கிளா்ச்சியாளா்களால் கொல்லப்பட்ட நிலையில், ஐ.நா. பொதுச் செயலா் அன்டோனியோ குட்டெரெஸை பிரதமா் மோடி வெள்ளிக்கிழமை தொலைபேசியில் தொடா்பு கொண்டு பேசினாா்.

அப்போது, பிஎஸ்எஃப் வீரா்களின் சாவுக்கு காரணமானவா்களைக் காலதாமதமின்றி தண்டிக்கும் விதத்தில் விசாரணையை துரிதப்படுத்த வேண்டுமென பிரதமா் மோடி வலியுறுத்தினாா்.

மேற்கு-மத்திய ஆப்பிரிக்க நாடான காங்கோவில் அரசுப் படையினருக்கும் கிளா்ச்சியாளா்களுக்கும் இடையே நடைபெற்ற உள்நாட்டுப் போருக்குப் பின்னா், அங்கு அமைதியை ஏற்படுத்தும் பணியில் ஐ.நா.வால் அனுப்பப்பட்ட அமைதிப் படையினா் ஈடுபட்டு வருகின்றனா். இதில் இந்தியாவை சோ்ந்த பிஎஸ்எஃப் வீரா்களும் இடம்பெற்றுள்ளனா்.

இந்நிலையில், அமைதிப் படையினா் மீது கிளா்ச்சியாளா்கள் அண்மையில் நடத்திய தாக்குதலில், இந்திய பிஎஸ்எஃப் வீரா்கள் இருவா் பலியாகினா். இந்தச் சூழலில் ஐ.நா. பொதுச் செயலா் அன்டோனியோ குட்டெரெஸை தொலைபேசியில் தொடா்புகொண்ட பிரதமா் மோடி, இதற்கு காரணமானவா்களுக்கு துரிதமாக தண்டனை கிடைக்கும் வகையில், விசாரணையை முடுக்கிவிட வேண்டுமென வலியுறுத்தினாா்.

பலியான பிஎஸ்எஃப் வீரா்களின் குடும்பத்தினருக்கு இரங்கல் தெரிவித்த ஐ.நா. பொதுச் செயலா் அன்டோனியோ குட்டெரெஸ், விசாரணையை துரிதப்படுத்துவதற்கான நடவடிக்கைகளை மேற்கொள்வதாக உறுதியளித்தாா்.

ஐ.நா. அமைதிப் படையில் 2.50 லட்சத்துக்கும் அதிகமான இந்தியா்கள் பணியாற்றி வருவதாகவும், இதில் வேறு எந்த நாட்டிலும் இல்லாத வகையில் 177 இந்தியா்கள் உயிா்த்தியாகம் செய்திருப்பதாகவும் பிரதமா் அலுவலகம் வெளியிட்ட செய்திக் குறிப்பில் தெரிவிக்கப்பட்டுள்ளது.