ஜனதா பரிவார் கட்சியின் மூத்த தலைவரும் கர்நாடகத்தின் முன்னாள் அமைச்சருமான எம்.ரகுபதி இன்று காலமானார். 

ஜனதா பரிவார் கட்சியின் மூத்த தலைவர் எம்.ரகுபதி. இவர், ராமகிருஷ்ண ஹெக்டே தலைமையிலான அமைச்சரவையில் கல்வி அமைச்சராகவும் பொறுப்பு வகித்துள்ளார்.

இந்த நிலையில் எம்.ரகுபதி மல்லேஸ்வரத்தில் உள்ள தனது இல்லத்தில் இன்று காலை காலமானார். 

ரகுபதி மறைவுக்கு கர்நாடக எதிர்க்கட்சித் தலைவர் சித்தராமையா இரங்கல் தெரிவித்துள்ளார். எம்.ரகுபதியில் உடல் மல்லேஸ்வரத்தில் உள்ள இல்லத்தில் பொதுமக்கள் அஞ்சலிக்காக வைக்கப்பட்டுள்ளது.

இதையும் படிக்க- அமர்நாத் யாத்திரை: பாதுகாப்பு ஏற்பாடுகள் தீவிரம் 

மேலும் அவரது இறுதிச்சடங்கு நாளை காலை நடைபெறும் எனத் தகவல்கள் வெளியாகி உள்ளன. மறைந்த எம்.ரகுபதி ஆந்திர முன்னாள் முதல்வர் என்.டி.ராமாராவுக்கு நெருக்கமானவர் என்பது குறிப்பிடத்தக்கது.