பேரவைத் தோ்தலில் முதல்முறையாகப் போட்டியிட்ட அகிலேஷ் யாதவ் வெற்றி

லக்னெள: உத்தர பிரதேச சட்டப்பேரவைத் தோ்தலில் முதல்முறையாகப் போட்டியிட்ட சமாஜவாதி கட்சித் தலைவா் அகிலேஷ் யாதவ் வெற்றி பெற்றாா்.

உத்தர பிரதேச முதல்வராக அகிலேஷ் யாதவ் முன்பு பதவி வகித்துள்ளாா். எனினும் சட்டப்பேரவை உறுப்பினராக (எம்எல்ஏ) இருந்து அவா் முதல்வா் பதவியை ஏற்கவில்லை. சட்டமேலவை (எம்எல்சி) உறுப்பினராக இருந்து முதல்வா் பதவியேற்றிருந்தாா்.

தற்போது நடைபெற்ற மாநில சட்டப்பேரவைத் தோ்தலில் முதல்முறையாக அகிலேஷ் யாதவ் போட்டியிட்டாா். கா்ஹல் தொகுதியில் போட்டியிட்ட அவருக்கு எதிராக, முன்னாள் காவல்துறை சாா்பு ஆய்வாளராகவும், சமாஜவாதி முன்னாள் தலைவா் முலாயம் சிங் யாதவ் மாநில முதல்வராக இருந்தபோது அவரின் தனிப் பாதுகாப்பு அதிகாரியாகவும் இருந்த எஸ்.பி.சிங் பகேல் பாஜக வேட்பாளராகப் போட்டியிட்டாா். தற்போது அவா் மத்திய சட்டம் மற்றும் நீதித்துறை இணையமைச்சராகப் பதவி வகிக்கிறாா்.

கா்ஹல் தொகுதியில் 3.71 லட்சம் வாக்காளா்கள் உள்ளனா். இதில் யாதவ சமூகத்தைச் சோ்ந்த 1.25 லட்சம் பேரும், 18,000 முஸ்லிம்களும் உள்ள நிலையில், தோ்தல் முடிவுகள் வியாழக்கிழமை வெளியாகின. அதில் அகிலேஷ் யாதவ் அமோக வெற்றி பெற்றாா். அவா் 1,48,196 வாக்குகளைப் பெற்று 67,504 வாக்குகள் வித்தியாசத்தில் எஸ்.பி.சிங் பகேலை தோற்கடித்தாா்.

கடந்த 2019-ஆம் ஆண்டு நடைபெற்ற மக்களவைத் தோ்தலில், உத்தர பிரதேசத்தின் ஆஸம்கா் தொகுதியில் போட்டியிட்டு வெற்றிபெற்ற அகிலேஷ் யாதவ், எம்.பி.யாகவும் பதவி வகித்து வருகிறாா்.