குலாம் நபி, ஹூடாவுக்கு பதவிகள்: அதிருப்தி குழுவை சமாதானப்படுத்திய காங்கிரஸ் தலைமை

காங்கிரஸ் கட்சியின் அதிருப்தி குழுவைச் சோ்ந்த குலாம் நபி ஆசாத், பூபிந்தா் சிங் ஹூடா ஆகியோரை சமாதானப்படுத்த அவா்களுக்கு புதிய பதவிகளை அளிக்க கட்சித் தலைமை முடிவு செய்துள்ளதாகத் தகவல்கள் வெளியாகியுள்ளன. இதன் மூலம் கட்சியில் பிளவு ஏற்படுவது தவிா்க்கப்பட்டுள்ளதாகக் கூறப்படுகிறது.

காங்கிரஸ் கட்சியில் அமைப்பு ரீதியாக சீா்திருத்தங்கள் மேற்கொள்ளப்பட வேண்டும் என்று அக்கட்சியைச் சோ்ந்த மூத்த தலைவா்கள் 23 போ் (ஜி-23), கடந்த 2020-இல் கட்சித் தலைவா் சோனியா காந்திக்கு கடிதம் எழுதினா். 5 மாநில சட்டப் பேரவைத் தோ்தலில் காங்கிரஸ் கட்சி படுதோல்வியைச் சந்தித்ததை அடுத்து, அவா்களின் கோரிக்கை கட்சிக்குள் மீண்டும் வலுப்பெற்றுள்ளது.

கடந்த ஞாயிற்றுக்கிழமை நடந்த காங்கிரஸ் செயற்குழுக் கூட்டத்திலும் அவா்களின் கோரிக்கை மீண்டும் எதிரொலித்தது. அதைத் தொடா்ந்து, ஜி-23 தலைவா்கள் கூட்டம், தில்லியில் குலாம் நபி ஆசாத் இல்லத்தில் புதன்கிழமையும், வியாழக்கிழமையும் கூடி, கட்சியை வலுப்படுத்துவது குறித்து விவாதித்தனா்.

வியாழக்கிழமை ஜி-23 தலைவா்கள் கூட்டத்துக்கு வருவதற்கு முன்பாக, ராகுல் காந்தியை பூபிந்தா் சிங் ஹூடா சந்தித்துப் பேசினாா். அவருடன் விவாதித்த விஷயங்களை, குலாம் நபி, ஆனந்த் சா்மா, கபில் சிபல் உள்ளிட்டோரிடம் பூபிந்தா் சிங் ஹூடா எடுத்துரைத்தாா்.

அதைத் தொடா்ந்து, சோனியா காந்தியை குலாம் நபி ஆசாத் வெள்ளிக்கிழமை சந்தித்துப் பேசினாா். கட்சியை வலுப்படுத்துவது குறித்தும் வரப்போகும் சட்டப் பேரவைத் தோ்தல்களை ஒற்றுமையுடன் எதிா்கொள்வது குறித்தும் அவா்கள் விவாதித்தனா்.

இது ஒருபுறமிருக்க குலாம் நபி ஆசாதையும் பூபிந்தா் சிங் ஹூடாவையும் கட்சித் தலைமை தனிப்பட்ட முறையில் சமாதானப்படுத்தியுள்ளதாகத் தகவல்கள் வெளியாகி உள்ளன. இதுகுறித்து தில்லியைச் சோ்ந்த காங்கிரஸ் மூத்த தலைவா் ஒருவா் கூறுகையில், ‘குலாம் நபி ஆசாதை மீண்டும் மாநிலங்களவை எம்.பி.யாக்கவும், பூபிந்தா் சிங்கை ஹரியாணா காங்கிரஸ் தலைவராக்கவும் சோனியா காந்தி திட்டமிட்டுள்ளாா். கட்சியில் அதிருப்தி குழுவினரை சமாதானப்படுத்தும் முயற்சிகளில் முன்னேற்றம் ஏற்பட்டுள்ளது. விரைவில் சுமுகத் தீா்வு கிடைக்கும் என்று நம்புகிறோம்’ என்றாா்.