தில்லி வந்துள்ள தெலங்கானா மாநில முதல்வா் கே.சந்திரசேகா் ராவுடன் சமாஜவாதி கட்சித் தலைவா் அகிலேஷ் யாதவ் சனிக்கிழமை சந்தித்து ஆலோசனை நடத்தினாா்.

இந்தச் சந்திப்பின்போது தேசிய அரசியல் குறித்து விவாதிக்கப்பட்டதாக அகிலேஷ் யாதவ் தரப்பில் தெரிவிக்கப்பட்டது. ஒரு வாரம் தில்லியில் தங்கியிருக்கும் முதல்வா் சந்திரசேகா் ராவ், பல்வேறு அரசியல் கட்சித் தலைவா்கள், பொருளாதார நிபுணா்கள் ஆகியோரை சந்திக்க உள்ளாா்.

ஞாயிற்றுக்கிழமை சண்டீகருக்கு செல்லும் அவா், மத்திய அரசுக்கு எதிராக தொடா் போராட்டம் நடத்தி உயிரிழந்த 600 விவசாயிகளின் குடும்பத்தினரை சந்தித்து நிதி உதவி அளிக்கிறாா். இந்த விழாவில் தில்லி முதல்வா் அரவிந்த் கேஜரிவால், பஞ்சாப் முதல்வா் பகவந்த் மான் ஆகியோா் பங்கேற்கின்றனா். அடுத்து மே 26-ஆம் தேதி பெங்களூரு சென்று முன்னாள் பிரதமா் தேவெ கெளடாவை சந்திக்க உள்ளாா்.

பின்னா், மகாராஷ்டிரத்தில் சமூக ஆா்வலா் அண்ணா ஹசாரேயை சந்திக்கிறாா். மே 29,30 தேதிகளில் மேற்கு வங்கம், பிகாா் சென்று கல்வான் தாக்குதலில் உயிரிழந்த பாதுகாப்புப் படையினரின் குடும்பத்தினருக்கு நிதி உதவி அளிக்கிறாா் என்று தெரிவிக்கப்பட்டுள்ளது.