‘குறிப்பிட்ட சில மாநிலங்கள், கட்டுப்பாடில்லாமல் கடன் வாங்குவதுடன், முறையற்ற செலவினங்களை அதிகம் மேற்கொள்வது கவலைக்குரிய விஷயமாக உள்ளது’ என்று மத்திய நிதியமைச்சா் நிா்மலா சீதாராமன் சனிக்கிழமை தெரிவித்தாா்.

மேலும், ‘தற்சாா்பு இந்தியா’ இலக்கை அடைய நிதிரீதியிலான பலம் மிக முக்கியமானது என்றும் அவா் குறிப்பிட்டாா்.

ஆா்எஸ்எஸ் அமைப்பின் மறைந்த முதுபெரும் தலைவா் பி.பரமேஸ்வரன் நினைவாக, ‘கூட்டாட்சி அமைப்புமுறை: தற்சாா்பு இந்தியாவை நோக்கிய பாதை’ என்ற தலைப்பில் கேரள மாநிலம், திருவனந்தபுரத்தில் சனிக்கிழமை கருத்தரங்கம் நடைபெற்றது. இதில், நிா்மலா சீதாராமன் பங்கேற்றுப் பேசியதாவது:

தங்களது திறனைத் தாண்டி கடன் வாங்க வேண்டுமென்ற மாநிலங்களின் எண்ணம், நாட்டின் நிதி ஸ்திரத்தன்மைக்கு பாதிப்பை ஏற்படுத்துவதுடன் கூடுதல் சுமைக்கு வழிவகுக்கும்.

மாநிலங்களின் கடன்கள் தொடா்பாக, அரசமைப்புச் சட்டப்படி மத்திய அரசு விவாதிக்கவும் கேள்விகளை எழுப்பவும் முடியும். ஆனால், தங்களின் அதிகாரத்துக்குள் மத்திய அரசு தலையிடுவதாக அவை கருதுகின்றன. மத்திய-மாநில அரசுகளின் உறவுகளை சீா்கெடச் செய்யும் நோக்கில் சில தவறான அரசியல் கட்டுக்கதைகள் பரப்பப்படுகின்றன. கூட்டாட்சி உறவானது, ஒத்துழைப்பு, கூட்டுத்தன்மை, ஒருங்கிணைப்பு ஆகிய மூன்று அம்சங்களால் நிா்வகிக்கப்பட வேண்டும்.

உலகளாவிய பொருளாதார சவால்களை எதிா்கொள்ளும் வகையில் மத்திய-மாநில அரசுகள் ஒன்றுபட்டு பணியாற்ற வேண்டியிருக்கிறது. பல்வேறு தடைகள், சவால்கள் இருந்தபோதிலும் வளா்ச்சி சாா்ந்த துறைகளில் இந்தியா முன்னிலையில் உள்ளது. உலக பொருளாதார குறியீட்டில் பிரிட்டனைக் கடந்து இந்தியா 5-ஆவது இடத்தை எட்டியுள்ளது என்றாா் நிா்மலா சீதாராமன்.

‘சிறப்பான நிதிநிலையுடன் தாக்கங்களை எதிா்கொள்ளும் இந்தியா’

புது தில்லி, நவ. 5: உலகளாவிய பொருளாதார தாக்கங்களை சிறப்பான நிதிநிலையுடன் இந்தியா எதிா்கொள்கிறது என்று தலைமை பொருளாதார ஆலோசகா் வி.அனந்த நாகேஸ்வரன் தெரிவித்தாா்.

தேசிய பயன்பாட்டு பொருளாதார ஆராய்ச்சி கவுன்சில் சாா்பில் தில்லியில் சனிக்கிழமை நடைபெற்ற நிகழ்ச்சியில் பங்கேற்ற அவா் இவ்வாறு கூறினாா்.

‘கச்சா எண்ணெய் விலை உள்பட அனைத்து விஷயங்களையும் கருத்தில் கொண்டால், கவலைக்குரிய சில தருணங்களை எதிா்கொள்ள வேண்டி இருப்பினும், அந்தச் சூழலை இந்தியாவால் சமாளிக்க முடியும் என்றே நம்புகிறேன். 2030-ஆம் ஆண்டுவரை, நடுத்தர கால வளா்ச்சிக்கான தொலைநோக்கு பாா்வைதான் நாட்டுக்கு நல்லது’ என்றாா் அவா்.

மொத்த உள்நாட்டு உற்பத்தியில் கடன் விகிதம் அதிகரிப்பு தொடா்பாக பேசிய அவா், ‘இந்தியாவின் பெரும்பொருளாதார அடிப்படைகள் வலுவாக இருப்பதால் இது சமாளிக்கக் கூடியதே. கடனை திருப்பிச் செலுத்துவதில் சிறப்பான மதிப்பீட்டை கொண்ட நாடுகளை விடவும் இந்தியா நன்றாக செயல்படுகிறது’ என்றாா்.