இந்தியாவில் ஒருநாள் கரோனா பாதிப்பு 833 ஆக குறைந்துள்ளதாக தகவல்கள் தெரிவிக்கின்றன. 

இதுகுறித்து மத்திய சுகாதாரத்துறை வெளியிட்ட செய்திக்குறிப்பில், 

கடந்த 24 மணிநேரத்தில் புதிதாக 833  பேருக்கு தொற்று கண்டறியப்பட்டுள்ளது. இதன்மூலம் மொத்த பாதிப்பு 4,46,65,643 ஆக உள்ளது.

கரோனாவிலிருந்து குணமடைந்தவர்களின் எண்ணிக்கை 4,41,22,562 ஆக உயர்ந்துள்ளது, அதே நேரத்தில் இறப்பு விகிதம் 1.19 சதவீதமாகப் பதிவு செய்யப்பட்டுள்ளது.

படிக்க: 10% இடஒதுக்கீடு: முதல்வர் தலைமையில் அனைத்துக் கட்சிக் கூட்டம் தொடங்கியது!

கரோனா சிகிச்சை பெறுவோரின் எண்ணிக்கை 12,553 ஆக உள்ளது. மேலும், கடந்த 24 மணி நேரத்தில் 8 பேர் உயிரிழந்த நிலையில் இறப்பு எண்ணிக்கை 5,30,528 ஆக உயர்ந்துள்ளது. 

இந்தியாவில் இதுவரை  219.79 கோடி தடுப்பூசிகள் போடப்பட்டுள்ளது குறிப்பிடத்தக்கது.