குஜராத் தோ்தலில் முந்தைய சாதனைகளை பாஜக முறியடிக்கும்- அமித் ஷா நம்பிக்கை

குஜராத் சட்டப்பேரவைத் தோ்தலில் முந்தைய சாதனைகளை முறியடித்து பாஜக அமோக வெற்றி பெறும் என்று மத்திய உள்துறை அமைச்சா் அமித் ஷா நம்பிக்கை தெரிவித்தாா்.

குஜராத்தில் 1995-ஆம் ஆண்டு முதல் தொடா்ந்து 6 சட்டப்பேரவைத் தோ்தல்களில் பாஜக வெற்றி பெற்று ஆட்சி அமைத்துள்ளது. காங்கிரஸ் தொடா்ந்து ஆட்சியைப் பிடிக்கப் போராடி வருகிறது. கடந்த 2017 சட்டப்பேரவைத் தோ்தலில் இரு கட்சிகளுக்கும் இடையே போட்டி கடுமையாக இருந்தது. இந்த முறை ஆம் ஆத்மியும் முழுவீச்சில் களமிறங்கியுள்ளதால், தோ்தல் குறித்த எதிா்பாா்ப்பு தேசிய அளவில் அதிகரித்துள்ளது.

இந்நிலையில், சனந்த் தொகுதி பாஜக வேட்பாளா் கனுபாய் பாட்டீல் செவ்வாய்க்கிழமை தனது வேட்புமனுவை தாக்கல் செய்தாா். அப்போது அமித் ஷாவும் அவருடன் இருந்தாா். சனந்த் சட்டப்பேரவைத் தொகுதி அமித் ஷாவின் காந்தி நகா் மக்களவைத் தொகுதிக்குள் வருவது குறிப்பிடத்தக்கது.

முன்னதாக செய்தியாளா்களைச் சந்தித்த அமித் ஷா, ‘பிரதமா் நரேந்திர மோடியின் வழிகாட்டுதலின்படி குஜராத் முதல்வா் பூபேந்திர படேல் சிறப்பான வளா்ச்சிப் பணிகளை மேற்கொண்டுள்ளாா். மாநிலத்தில் சட்டம்-ஒழுங்கு சிறப்பாக உள்ளது. பொருளாதார வளா்ச்சிக்குத் தேவையான அமைதியான சூழல் மாநிலத்தில் நிலவுகிறது. சுகாதாரம், கல்வித் துறை மேம்பட்டுள்ளது. தலித், பழங்குடியினா், இதர பிற்படுத்தப்பட்ட பிரிவினா் என அனைத்து தரப்பினரும் அரசின் திட்டங்களால் மேம்பட்டுள்ளனா்.

இந்தத் தொகுதியில் பாஜக சாா்பில் போட்டியிட வாய்ப்பு கேட்ட கேகா் பாட்டீல், தனக்கு வாய்ப்பு கிடைக்காததால் சுயேச்சையாக களமிறங்கப் போவதாக அறிவித்தாா். ஆனால், கட்சித் தலைமையின் அறிவுரையை ஏற்று அவா் தனது முடிவைக் கைவிட்டு, கட்சியின் அதிகாரபூா்வ வேட்பாளருக்கு ஆதரவு தெரிவித்துள்ளாா். இதன்மூலம் பாஜகவின் ஒற்றுமை தொடா்ந்து நிலைநாட்டப்பட்டு வருகிறது. குஜராத்தில் இந்தத் தோ்தலில் முந்தைய தோ்தல் சாதனைகள் அனைத்தையும் முறியடிக்கும் வகையிலான சிறப்பான வெற்றியை பாஜக பெறும் என்பது உறுதி’ என்றாா்.