கேரள செய்தியாளருக்கு உச்சநீதிமன்றம் நிபந்தனை ஜாமீன்

ஹாத்ரஸில் கூட்டு பாலியல் வன்கொடுமையால் உயிரிழந்த தலித் பெண் தொடா்பாக செய்தி சேகரிக்கச் சென்றபோது உத்தர பிரதேச போலீஸாரால் கைது செய்யப்பட்டு சிறையில் அடைக்கப்பட்டுள்ள கேரள செய்தியாளா் சித்திக் காப்பனுக்கு உச்சநீதிமன்றம் வெள்ளிக்கிழமை நிபந்தனை ஜாமீன் அளித்தது.

கடந்த இரண்டு ஆண்டுகளாக சிறையில் உள்ள சித்திக் காப்பன் தாக்கல் செய்த பல்வேறு ஜாமீன் மனுக்களை மதுரா விசாரணை நீதிமன்றம், அலகாபாத் உயா்நீதிமன்றம் நிராகரித்திருந்த நிலையில், உச்சநீதிமன்றம் தற்போது ஜாமீன் வழங்கி உள்ளது.

காப்பனின் ஜாமீன் மனுவை வெள்ளிக்கிழமை விசாரித்த உச்சநீதிமன்ற தலைமை நீதிபதி யு.யு.லலித், நீதிபதிகள் எஸ்.ரவிந்திர பட், பி.எஸ்.நரசிம்மா ஆகியோா் அடங்கிய அமா்வு, ‘பேச்சுரிமை அனைவருக்கும் உள்ளது. பாதிக்கப்பட்ட பெண்ணுக்கு நீதி கிடைக்க வேண்டும் என்பதற்காக அவா் குரல் கொடுத்துள்ளாா். இது சட்டத்தின் பாா்வையில் குற்றமா?

2012-இல் நிா்பயா உயிரிழப்பு சம்பவத்தின்போது இந்தியா கேட் பகுதியில் நடைபெற்ற போராட்டங்களால் பாலியல் சட்டத்தில் மாற்றம் செய்யப்பட்டது. காப்பன் வழக்கில், ஆத்திரத்தை தூண்டும் வகையில் அவா் செயல்பட்டாா் என்பதற்கான ஆதாரங்களை இதுவரை தெரிவிக்கவில்லை.

அவரை மூன்று நாள்களுக்குள் விசாரணை நீதிமன்றத்தில் ஆஜா்படுத்தி ஜாமீனில் வெளியேவிட வேண்டும். அவா் தனது பாஸ்போா்ட்டை விசாரணை நீதிமன்றத்தில் சமா்ப்பித்துவிட்டு, மூன்று மாதங்களுக்கு தில்லி நிஜாமுதீன் காவல் நிலையத்தில் ஆஜராகி கையொப்பமிட வேண்டும். விசாரணை நீதிமன்றத்தில் தினசரி விசாரணைக்கு ஆஜராக வேண்டும். 6 மாதங்களுக்கு பிறகு சொந்த ஊரான மலப்புரத்துக்குச் சென்று அங்கேயும் திங்கள்கிழமைதோறும் காவல் நிலையத்தில் கையொப்பமிட வேண்டும். இந்த வழக்கில் குற்றம்சாட்டப்படும் அமைப்புகளுடன் அவா் தொடா்பு வைத்துக் கொள்ளக் கூடாது. சட்டவிரோத பணப் பரிவா்த்தனை சட்டத்தின்கீழ் பதிவு செய்யப்பட்டுள்ள வழக்கிலும் அவா் ஜாமீன் பெற்றுக் கொள்ளலாம்’ என்று தெரிவித்தது.

முன்னதாக, உத்தர பிரதேச அரசு சாா்பில் ஆஜரான மூத்த வழக்குரைஞா் மகேஷ் ஜெத்மலானி, ‘ஜாா்க்கண்டில் தடை செய்யப்பட்ட பாப்புலா் ஃப்ரண்ட் ஆப் இந்தியா அமைப்புடன் சித்திக் காப்பன் தொடா்பு வைத்துக் கொண்டு உத்தர பிரதேசத்தில் போராட்டங்களைத் தூண்ட முற்பட்டாா். இதற்காக ரூ.45 ஆயிரத்தை அவா் தனது வங்கிக் கணக்கில் பெற்றுள்ளாா். ஆகையால் அவருக்கு ஜாமீன் வழங்கக் கூடாது’ என்றாா்.

எனினும், அவருக்கு ஜாமீன் வழங்குவதாக நீதிபதிகள் தெரிவித்ததையடுத்து, கடுமையான நிபந்தனைகளை விதிக்க வேண்டும் என்றும் மகேஷ் ஜெத்மலானி கேட்டுக் கொண்டாா்.

2020, செப்டம்பா் 14-ஆம் தேதி ஹாத்ரஸில் தலித் பெண் பாலியல் வன்கொடுமை செய்யப்பட்டதாக நான்கு போ் கைது செய்யப்பட்டனா். பின்னா் அந்தப் பெண் தில்லி மருத்துவமனையில் உயிரிழந்தாா். தங்களது அனுமதி இல்லாமல் மகளின் உடலை போலீஸாா் தகனம் செய்ததாக பெற்றோா் குற்றம்சாட்டினா். இந்தச் சம்பவம் தொடா்பாக செய்தி சேகரிக்க 2020, அக்டோபரில் சென்ற சித்திக் காப்பன் கைது செய்யப்பட்டாா்.

தடை செய்யப்பட்ட இயக்கத்துடன் அவா் தொடா்பு வைத்திருந்ததாகவும், கலவரத்தைத் தூண்ட சதி நடைபெற்ாகவும் உ.பி. போலீஸாா் குற்றம்சாட்டியுள்ளனா்.