தெலங்கானா சட்டப்பேரவைத் தேர்தலில் போட்டியிடும் முதல்கட்ட வேட்பாளர்கள் பட்டியலை பாரதிய ராஷ்டிர சமிதி இன்று வெளியிட்டுள்ளது. 

தெலங்கானாவில் நடப்பாண்டு இறுதியில் சட்டப்பேரவைத் தேர்தல் நடைபெற உள்ளது. இதுகுறித்த தேர்தல் ஆணையத்தின் அறிவிப்பு விரைவில் வெளியாகும் என்று எதிர்பார்க்கப்படுகிறது. 

இந்நிலையில் தேர்தல் தேதி அறிவிக்கப்படுவதற்கு முன்னரே, முதல்வர் சந்திரசேகர் ராவின் பாரதிய ராஷ்டிர சமிதி கட்சி, மொத்தமுள்ள 119 தொகுதிகளில் 115 தொகுதிகளுக்கு வேட்பாளர்கள் பட்டியலை வெளியிட்டுள்ளது. 

இதையும் படிக்க | சிறுமி பாலியல் வன்கொடுமை: தில்லி அரசு அதிகாரி இடைநீக்கம் - கேஜரிவால் உத்தரவு

முதல்வர் சந்திரசேகர் ராவ், மாநிலத்தின் கஜ்வெல், கமாரெட்டி ஆகிய இரு தொகுதிகளில் போட்டியிடுகிறார். 7 தொகுதிகளில் மட்டும் வேட்பாளர்கள் மாற்றப்பட்டுள்ளனர். மேலும் கட்சியின் தேர்தல் அறிக்கை வருகிற அக்டோபர் 16 ஆம் தேதி வாராங்கலில் வெளியிடப்படும் என்றும் அறிவிக்கப்பட்டுள்ளது. 

பாஜக, காங்கிரஸ் உள்ளிட்ட கட்சிகளும் தீவிர  தேர்தல் பணிகளில் ஈடுபட்டுள்ளது குறிப்பிடத்தக்கது.