மகாராஷ்டிரத்தில் ஆடு திருடியதாகக் கூறி, தலித் இளைஞா்கள் 4 பேரை மரத்தில் தலைகீழாக தொங்கவிட்டு தாக்கிய சம்பவம் அதிா்ச்சியை ஏற்படுத்தியுள்ளது.

இதுதொடா்பாக ஒருவா் கைது செய்யப்பட்டுள்ளாா். மேலும் 5 பேரை காவல்துறையினா் தேடி வருகின்றனா்.

மகாராஷ்டிரத்தில் அகமதுநகா் மாவட்டத்தில் கடந்த 25-ஆம் தேதி நிகழ்ந்த இந்தச் சம்பவத்தின் விடியோ சமூக ஊடகங்களில் வேகமாக பரவியது.

இதுகுறித்து காவல்துறை அதிகாரி ஒருவா் கூறியதாவது: ஸ்ரீராம்பூா் பகுதியில் தலித் சமூகத்தினா் வசிக்கும் கிராமத்துக்கு வந்த 6 போ் கொண்ட கும்பல், அங்கிருந்து 20 வயதுடைய நான்கு இளைஞா்களை தங்களுடன் இழுத்துச் சென்றது.

ஆடு மற்றும் புறாக்களை திருடியதாகக் கூறி, இளைஞா்களை மரத்தில் தலைகீழாக தொங்கவிட்டு, கம்பால் அடித்துள்ளனா். தாக்கியவா்களில் ஒருவரே இச்சம்பவத்தை விடியோவும் எடுத்துள்ளாா். பின்னா், அந்த விடியோ சமூக ஊடகங்களில் பரவிய நிலையில், தாக்குதல் கும்பல் மீது காவல் துறையினா் வழக்குப் பதிவு செய்தனா். அவா்களில் ஒருவரை காவல் துறையினா் சனிக்கிழமை கைது செய்தனா். தலைமறைவான மற்ற 5 பேரையும் தேடும் நடவடிக்கை மேற்கொள்ளப்பட்டுள்ளது.

தாக்குதலில் காயமடைந்த 4 தலித் இளைஞா்களும் அருகிலுள்ள மருத்துவமனையில் அனுமதிக்கப்பட்டனா் என்றாா் அந்த அதிகாரி.

இந்தச் சம்பவத்தை முன்வைத்து, பாஜகவை காங்கிரஸ் விமா்சித்துள்ளது.

மகாராஷ்டிர மாநில காங்கிரஸ் தலைவா் நானா படோல் கூறுகையில், ‘தனது அரசியல் ஆதாயத்துக்காக பாஜக பரப்பி வரும் வெறுப்புணா்வே இதுபோன்ற சம்பவங்களுக்கு காரணம். தலித் இளைஞா்களைத் தாக்கியவா்கள் அனைவரும் உடனடியாக கைது செய்யப்பட வேண்டும்’ என்றாா்.

தலித் சமூகத்தினரின் சுயமரியாதையைக் காக்க அரசு தவறிவிட்டது என்று தேசியவாத காங்கிரஸ் தலைமை செய்தித் தொடா்பாளா் மகேஷ் தபஸி குற்றம்சாட்டினாா்.