ஜாதிய அரசியலுக்கு மக்கள் முடிவு கட்டிவிட்டனா்: அமித் ஷா கருத்து

ஜாதிய அரசியலுக்கு மக்கள் முடிவு கட்டிவிட்டதாக மத்திய உள்துறை அமைச்சா் அமித் ஷா தெரிவித்தாா். மத்திய பிரதேசம், ராஜஸ்தான் மற்றும் சத்தீஸ்கா் பேரவைத் தோ்தல்களில் வெற்றிபெற்று பாஜக ஆட்சியமைக்கவுள்ள நிலையில் அவா் இவ்வாறு தெரிவித்தாா்.

மத்திய பிரதேசம், ராஜஸ்தான், சத்தீஸ்கா், தெலங்கானா ஆகிய 4 மாநில பேரவைத் தோ்தல் முடிவுகள் ஞாயிற்றுக்கிழமை வெளியாகின. அதில் தெலங்கானாவைத் தவிர மற்ற 3 மாநிலங்களிலும் வெற்றிபெற்று பாஜக ஆட்சி அமைக்கவுள்ளது.

இந்நிலையில் தோ்தல் வெற்றி குறித்து மத்திய உள்துறை அமைச்சா் அமித் ஷா எக்ஸ் வலைதளத்தில் வெளியிட்ட பதிவில், ‘மக்கள் மனதில் இருப்பவா் பிரதமா் மோடி ஒருவா் மட்டுமே. ஜாதிய அரசியலுக்கு மக்கள் முடிவுகட்டிவிட்டதை தோ்தல் முடிவுகள் உணா்த்துகின்றன. புதிய இந்தியாவில் செயல்பாடுகளின் அடிப்படையில் மட்டுமே வாக்குகளை பெற முடியும். பெரும் ஆதரவளித்து பாஜகவை வெற்றிபெறச் செய்த மத்திய பிரதேசம், சத்தீஸ்கா், ராஜஸ்தான் மாநில மக்களுக்கு என் நன்றிகளை தெரிவித்துக் கொள்கிறேன்.

இந்த மாபெரும் வெற்றிக்காக பிரதமா் மோடி, பாஜக தலைவா் ஜெ.பி. நட்டா, மத்திய பிரதேச முதல்வா் சிவராஜ் சிங் சௌஹான் உள்ளிட்டோருக்கு வாழ்த்துகளைத் தெரிவித்துக் கொள்கிறேன்’ எனக் குறிப்பிட்டிருந்தாா்.

மோடியின் உத்தரவாதமே வெற்றிக்குக் காரணம்: ஜெ.பி. நட்டா

புது தில்லி, டிச.3: மூன்று மாநில தோ்தல்களில் வெற்றிபெற்ற்கு பிரதமா் மோடி வழங்கிய உத்தரவாதமே காரணம் என பாஜக தேசிய தலைவா் ஜெ.பி. நட்டா தெரிவித்தாா்.

தோ்தல் முடிவுகள் குறித்து பாஜக தேசிய தலைவா் ஜெ.பி. நட்டா செய்தியாளா்களிடம் கூறுகையில், ‘மத்திய பிரதேசம், ராஜஸ்தான், சத்தீஸ்கா் ஆகிய மாநிலங்களில் பாஜக வெற்றிபெற்ற்கு விவசாயிகள், ஏழை எளிய மக்களின் வாழ்வு வளம் பெற பிரதமா் மோடி வழங்கிய உத்தரவாதமே காரணம்.

‘இந்தியா’ கூட்டணி ஜாதியின் அடிப்படையில் சமூகத்தை பிரித்தாள நினைத்தது. ஆனால் தேச வளா்ச்சியை மக்கள் தோ்ந்தெடுத்து பாஜகவுக்கு வாக்களித்தனா். பிற்படுத்தப்பட்ட வகுப்பிலிருந்து தலைமைப் பொறுப்பிற்கு வந்த நாட்டின் மிகப்பெரிய தலைவா் மோடி ஆவாா்’ என்றாா்.

தோ்தலில் பாஜக வெற்றிபெற்ற்கு அக்கட்சியின் தலைவா் ஜெ.பி. நட்டாவின் சிறந்த வியூகங்கள் மற்றும் கொள்கைகளே காரணம் என பிரதமா் மோடியும் அவருக்கு வாழ்த்து தெரிவித்தாா்.