அரசியலமைப்புச் சட்டம் ஓா் உயிா்ப்புள்ள ஆவணம்: குடியரசுத் தலைவா்

இந்திய அரசியலமைப்புச் சட்டம் ஓா் உயிா்ப்புள்ள ஆவணம். மக்களின் மாறிவரும் நம்பிக்கைகள் மற்றும் விருப்பங்களுக்கு ஏற்ப மாற்றங்களை ஏற்றுக்கொள்ளும் முழுத் திறனையும் உடையது எனக் குடியரசுத் தலைவா் திரெளபதி முா்மு தெரிவித்தாா்.

குடியரசுத் தலைவராகப் பதவியேற்ற பிறகு முதல் முறையாக ராஜஸ்தான் மாநிலத்துக்கு திரெளபதி முா்மு செவ்வாய்க்கிழமை பயணம் மேற்கொண்டாா். ஜெய்பூா் விமான நிலையத்தில் அவரை மாநில ஆளுநா் கல்ராஜ் மிஸ்ரா, முதல்வா் அசோக் கெலாட் உள்ளிட்டோா் வரவேற்றனா்.

மாநிலத் தலைநகா் ஜெய்பூரில் உள்ள ஆளுநா் மாளிகையில் ‘பொலிவுறு நகரம்’ (ஸ்மாா்ட் சிட்டி) திட்டத்தின்கீழ் உருவாக்கப்பட்டுள்ள ‘அரசியலமைப்புச் சட்டப் பூங்கா’வைத் திறந்து வைத்து அவா் பேசியதாவது:

அரசியலமைப்புச் சட்டத்தில் இதுவரை 105 சட்டத் திருத்தங்கள் மேற்கொள்ளப்பட்டுள்ளன. இதன் மூலம் நமது அரசியலமைப்புச் சட்டம் ஓா் உயிா்ப்புள்ள ஆவணமாகத் திகழ்கிறது. காலத்தைப் பொறுத்து பொதுமக்களின் நம்பிக்கைகள் மற்றும் விருப்பங்களை ஏற்றுக்கொள்ளும் திறனுடையதாக நமது அரசியலமைப்புச் சட்டம் விளங்குகிறது.

தேவையின் அடிப்படையில் அமைப்புகளை உருவாக்கும் எதிா்கால தலைமுறையினரின் உரிமைகளின் மீது தெளிவான சிந்தனையை அரசியலமைப்புச் சட்டத்தை உருவாக்கியவா்கள் கொண்டிருந்தனா். அதன் காரணமாகவே அரசியலமைப்புச் சட்டத் திருத்தத்துக்கான சட்டப் பிரிவுகளும் அதில் இடம்பெற்றுள்ளன.

பஞ்சாயத்து அமைப்புகள் முதல் நாடாளுமன்றம் வரை பிரநிதிகளாகப் பெண்கள் பதவி வகிப்பது தொடா்ச்சியாக அதிகரித்து வருகிறது.

அரசியலமைப்புச் சட்டத்தின் கோட்பாடுகள் குறித்து விழிப்புணா்வு ஏற்படுத்துவதே ‘அரசியலமைப்புச் சட்டப் பூங்கா’ கட்டப்பட்டதின் முக்கிய நோக்கம். நம்முடைய நாட்டின் ஜனநாயகத்தை வலிமையாக வைத்திருப்பதற்கான பெரும் முயற்சிகளே இதன் மிக முக்கிய இலக்காகும் என்றாா்.

சூரிய மின்சக்தி திட்டத்துக்கு அடிக்கல்:

இந்திய பவா்கிரிட் நிறுவனத்தின் மூலம் 8.9 ஜிகாவாட் சூரிய மின்சக்தியை பத்லா, ஃபதேகா், பிகானீா் பிராந்தியங்களுக்குக் கொண்டுச் செல்லவதற்கான அமைப்பை குடியரசுத் தலைவா் தொடக்கிவைத்தாா்.

மேலும், 1,000 மெகா வாட் மின்சக்தியை உற்பத்தி செய்யும் பிகானீா் சூரிய மின்சக்தி திட்டத்துக்கு ஜெய்பூரில் இருந்தபடி காணொலி வாயிலாக திரெளபதி முா்மு அடிக்கல் நாட்டினாா்.

சட்லஜ் நீா் மின்சக்தி கழகத்தின் (எஸ்ஜெவிஎன்) துணை நிறுவனமான எஸ்ஜெவிஎன் பசுமை எரிசக்தி நிறுவனம் மூலம் செயல்படுத்தப்படும் இத்திட்டம் அடுத்த ஆண்டு மாா்ச் செயல்பாட்டுக்கு வரும்.

இத்திட்டத்தின் வாயிலாக உற்பத்தி செய்யப்படும் மின்சாரத்துக்கான பயன்பாட்டுக் கட்டணம் அதிகபட்சமாக ஒரு யூனிட்டுக்கு ரூ. .57 என நிா்ணயிக்கப்பட்டுள்ளது. இதன் மூலம் மின்சாரத்தைக் குறைவான கட்டணத்தில் நுகா்வோா் பெறுவா் என அதிகாரிகள் தெரிவித்தனா்.