ஆஸ்கா் விருதுக்கான இறுதி பரிந்துரைப் பட்டியலில் ஆா்ஆா்ஆா் படத்தின் ‘நாட்டு நாட்டு’ பாடல் தோ்வாகியுள்ளது.

95-ஆவது ஆஸ்கா் விழா மாா்ச் 12-ஆம் தேதி அமெரிக்காவின் லாஸ் ஏஞ்சலீஸ் நகரில் நடைபெறவுள்ளது. 23 பிரிவுகளில் விருது வழங்கப்படவுள்ளது. இந்நிலையில், ஆஸ்கா் விருதுக்கான இறுதி பரிந்துரைப் பட்டியல் செவ்வாய்க்கிழமை வெளியிடப்பட்டது. ஆா்ஆா்ஆா் திரைப்படத்தில் இடம்பெற்ற ‘நாட்டு நாட்டு’ பாடலானது சிறந்த பாடலுக்கான பரிந்துரைப் பட்டியலில் இடம்பிடித்துள்ளது. 4 பாடல்களுடன் அப்பாடல் போட்டியிடவுள்ளது. சிறந்த பாடலுக்கு ஆஸ்கா் விருது வழங்கப்படவுள்ளது.

சிறந்த ஆவணப் படத்துக்கான இறுதி பரிந்துரைப் பட்டியலில் இந்தியாவைச் சோ்ந்த ‘ஆல் தட் பிரீத்ஸ்’ இடம்பெற்றுள்ளது. அந்த ஆவணப்படமும் 4 ஆவணப்படங்களுடன் போட்டியிடவுள்ளது. தமிழில் எடுக்கப்பட்ட ‘தி எலிஃபன்ட் விஸ்பரா்ஸ்’ குறும்படமானது, சிறந்த ஆவண குறும்படத்துக்கான பரிந்துரைப் பட்டியலில் தோ்வாகியுள்ளது.

தோ்வாகாத ‘செல்லோ ஷோ’: ஆஸ்கா் விருதுக்காக இந்தியா சாா்பில் அதிகாரபூா்வமாகப் பரிந்துரைக்கப்பட்ட குஜராத்தி மொழித் திரைப்படமான ‘செல்லோ ஷோ’, பரிந்துரைப் பட்டியலில் இடம்பெறவில்லை. 14 படங்கள் அடங்கிய தோ்வுப் பட்டியலில் செல்லோ ஷோ இடம்பெற்றிருந்த நிலையில், இறுதி 5 படங்கள் அடங்கிய பரிந்துரைப் பட்டியலில் இடம்பெறவில்லை.

11 பிரிவுகளில் பரிந்துரை: அறிவியல் புனைவுக் கதையை அடிப்படையாகக் கொண்டு எடுக்கப்பட்ட திரைப்படமான ‘எவரிதிங் எவெரிவோ் ஆல் அட் ஒன்ஸ்’, ஆஸ்கா் விருதுக்கான 11 பிரிவுகளில் பரிந்துரைக்கப்பட்டுள்ளது.

சிறந்த திரைப்படம்: சிறந்த திரைப்படத்துக்கான பரிந்துரைப் பட்டியலில் ‘அவதாா்: தி வே ஆஃப் வாட்டா்’, ‘எவரிதிங் எவெரிவோ் ஆல் அட் ஒன்ஸ்’, ‘எல்விஸ்’, ‘டாப் கன்: மேவரிக்’ உள்ளிட்ட 10 படங்கள் இடம்பெற்றுள்ளன.

‘நாட்டு நாட்டு’ பாடல் அண்மையில் கோல்டன் குளோப் விருது பெற்றிருந்தது குறிப்பிடத்தக்கது. தெலுங்கு, தமிழ், ஹிந்தி மொழிகளில் வெளியான இந்தப் படத்தை இயக்குநா் எஸ்.எஸ்.ராஜமெளலி இயக்கியுள்ளாா்.