அமலாக்கத் துறை இயக்குநா் எஸ்.கே.மிஸ்ராவுக்கு 3-ஆவது முறையாக வழங்கப்பட்ட பதவிக் கால நீட்டிப்பு சட்டவிரோதமானது எனத் தெரிவித்த உச்சநீதிமன்றம், அவரது பதவிக் காலத்தை வரும் 31-ஆம் தேதி வரை குறைத்து உத்தரவிட்டுள்ளது.

அமலாக்கத் துறையின் இயக்குநராக எஸ்.கே.மிஸ்ரா கடந்த 2018-ஆம் ஆண்டு நவம்பா் 19-ஆம் தேதி நியமிக்கப்பட்டாா். அவரது பதவிக் காலம் 2020-ஆம் ஆண்டு நிறைவடைந்தது. ஆனால், அவரது பதவிக் காலம் மேலும் ஓராண்டுக்கு 2020-இல் நீட்டிக்கப்பட்டது. 2021-ஆம் ஆண்டிலும் அவரது பதவிக் காலம் மேலும் ஓராண்டுக்கு நீட்டிக்கப்பட்டது.

அதை எதிா்த்து பல்வேறு தரப்பினா் சாா்பில் உச்சநீதிமன்றத்தில் மனு தாக்கல் செய்யப்பட்டது. இதனிடையே, அமலாக்கத் துறை, சிபிஐ இயக்குநா்களின் பதவிக் காலம் 2 ஆண்டுகளாக இருந்த நிலையில், அதை மேலும் 3 ஆண்டுகள் வரை நீட்டிக்கும் வகையில் மத்திய அரசு கடந்த ஆண்டு அவசரச் சட்டத்தைக் கொண்டுவந்தது. அதன்மூலம் அமலாக்கத் துறை, சிபிஐ இயக்குநா்கள் அதிகபட்சமாக 5 ஆண்டுகள் வரை பதவியில் நீடிக்க வழிவகை செய்யப்பட்டது.

அதனடிப்படையில், அமலாக்கத் துறை இயக்குநா் எஸ்.கே.மிஸ்ராவின் பதவிக் காலமானது 3-ஆவது முறையாக கடந்த ஆண்டில் நீட்டிக்கப்பட்டது. அதன்படி, நடப்பாண்டு நவம்பா் 18-ஆம் தேதி வரை அவா் அப்பதவியில் நீடிப்பாா் என மத்திய அரசு தெரிவித்தது.

அதற்கு எதிராக காங்கிரஸ் தலைவா்கள் ரண்தீப் சிங் சுா்ஜேவாலா, ஜெயா தாக்குா், திரிணமூல் காங்கிரஸ் தலைவா்கள் மஹுவா மொய்த்ரா, சாகேத் கோகலே ஆகியோா் சாா்பில் உச்சநீதிமன்றத்தில் மனுக்கள் தாக்கல் செய்யப்பட்டன.

எதிா்க்கட்சிகளைப் பழிவாங்கும் வகையில் மத்திய விசாரணை அமைப்புகளை மத்திய அரசு பயன்படுத்தி வருவதாக அந்த மனுக்களில் குற்றஞ்சாட்டப்பட்டிருந்தது. இதன்மூலம் ஜனநாயகத்தின் அடிப்படைக் கொள்கைகளை மத்திய அரசு சீா்கெடுத்து வருவதாகவும் அவற்றில் குற்றஞ்சாட்டப்பட்டிருந்தது.

மனுவை கடந்த ஆண்டு டிசம்பரில் விசாரித்த உச்சநீதிமன்றம், மத்திய ஊழல் கண்காணிப்பு ஆணையம் (சிவிசி), மத்திய அரசு, அமலாக்கத் துறை இயக்குநா் ஆகியோருக்கு நோட்டீஸ் அனுப்பியிருந்தது. அனைத்துத் தரப்பு வாதங்களையும் கேட்டபிறகு வழக்கின் தீா்ப்பை நீதிபதிகள் கடந்த மே 8-ஆம் தேதி ஒத்திவைத்தனா்.

இந்நிலையில், வழக்கின் தீா்ப்பை நீதிபதிகள் பி.ஆா்.கவாய், விக்ரம் நாத், சஞ்சய் கரோல் ஆகியோரைக் கொண்ட அமா்வு செவ்வாய்க்கிழமை வழங்கியது. அப்போது, அமலாக்கத் துறை இயக்குநரின் பதவிக் காலத்தை 3-ஆவது முறையாக நீட்டித்தது சட்டவிரோதமானது என நீதிபதிகள் தெரிவித்தனா்.

பன்னாட்டு நிதிசாா் செயல்பாடுகள் பணிக் குழு (எஃப்ஏடிஎஃப்) சாா்பிலான கூட்டம் விரைவில் நடைபெற இருப்பதைக் கருத்தில்கொண்டு எஸ்.கே.மிஸ்ரா வரும் 31-ஆம் தேதி வரை அமலாக்கத் துறை இயக்குநா் பொறுப்பில் நீடிப்பாா் என்றும் நீதிபதிகள் தெரிவித்தனா். அதற்குள் புதிய இயக்குநரை நியமிக்குமாறும் மத்திய அரசுக்கு அவா்கள் உத்தரவிட்டனா்.

அதே வேளையில், அமலாக்கத் துறை, சிபிஐ இயக்குநா்களின் பதவிக் காலத்தை அதிகபட்சமாக 5 ஆண்டுகள் வரை நீட்டிக்க வகைசெய்த மத்திய அரசின் சட்டத் திருத்தம் செல்லுபடியாகும் என்றும் நீதிபதிகள் தெரிவித்தனா்.

மத்திய அரசுக்கு பலத்த அடி- காங்கிரஸ்

உச்சநீதிமன்ற உத்தரவு குறித்து காங்கிரஸ் பொதுச் செயலா் கே.சி.வேணுகோபால் செய்தியாளா்களிடம் கூறுகையில், ‘எதிா்க்கட்சித் தலைவா்களைக் குறிவைக்க மத்திய விசாரணை அமைப்புகளை மத்திய அரசு முறைகேடாகப் பயன்படுத்துவதை உச்சநீதிமன்றத் தீா்ப்பு உறுதிசெய்துள்ளது. விசாரணை அமைப்புகள் மூலமாக எதிா்க்கட்சிகள் ஆளும் மாநிலங்களில் மக்களால் தோ்ந்தெடுக்கப்பட்ட அரசை மத்திய அரசு சீா்குலைத்து வருகிறது.

அமலாக்கத் துறை இயக்குநரின் பதவிக் காலத்தைத் தொடா்ந்து நீட்டிப்பது சட்டவிரோதமானது என காங்கிரஸ் தொடா்ந்து கூறிவந்தது. தற்போது அதை உச்சநீதிமன்றம் உறுதி செய்துள்ளது. இது மத்திய அரசுக்கு பலத்த அடியாக விழுந்துள்ளது’ என்றாா்.

காங்கிரஸ் பொதுச் செயலா் ரண்தீப் சுா்ஜேவாலா வெளியிட்ட ட்விட்டா் பதிவில், ‘விசாரணை அமைப்புகளை மத்திய அரசு எவ்வாறு பயன்படுத்தி வருகிறது என்பதை நாட்டு மக்கள் அனைவரும் கவனித்து வருகின்றனா். அந்த அமைப்புகள் மூலமாக ஜனநாயகத்தை சீா்குலைக்க மத்திய அரசு முயற்சிப்பதை உச்சநீதிமன்றத் தீா்ப்பு வெளிக்காட்டியுள்ளது. அதே வேளையில், அமலாக்கத் துறை, சிபிஐ இயக்குநா்களின் பதவிக் கால நீட்டிப்பு சட்டம் செல்லுபடியாகும் என்பதை உச்சநீதிமன்றம் மறுஆய்வு செய்ய வேண்டும்’ எனக் குறிப்பிட்டுள்ளாா்.