எர்ணாகுளத்தில் இருந்து ஹௌரா செல்லும் அந்தியோதயா விரைவு ரயில் திங்கள்கிழமை ரத்து செய்யப்பட்டுள்ளது.

ஒடிஸா மாநிலத்தில் நடைபெற்ற ரயில் விபத்து காரணமாக பல்வேறு ரயில்கள் மாற்று பாதையிலும் சில ரயில்கள் ரத்தும் செய்யப்பட்டுள்ளன.

இந்நிலையில் கேரள மாநிலம் எர்ணாகுளத்தில் மேற்கு வங்க மாநிலம் ஹௌராவுக்கு திங்கள்கிழமை (ஜூன் 12) இரவு 11.25 மணிக்கு புறப்படும் அந்தியோதயா விரைவு ரயில் (வண்டி எண் 22878) முழுவதுமாக ரத்து செய்யப்பட்டுள்ளது.

இந்த ரயில் கோவை, ஈரோடு, சேலம், ஜோலார்பேட்டை, காட்பாடி வழியாக இயக்கப்படும் என்பது குறிப்பிடத்தக்கது.