ஹிமாசலில் திருமணத்திற்குச் சென்று திரும்பும்போது நிகழ்ந்த சோகம்: 4 பேர் பலி

ஹிமாசலில் கார் சாலையோர பள்ளத்தில் கவிழ்ந்து விபத்துக்குள்ளானது. இந்த விபத்தில் 4 பேர் பரிதாபமாக பலியாகினர். 

இந்த விபத்து ஹிமாசலின் பத்ராஷ்-ரோஹ்ரு சாலையில் நடைபெற்றது. திருமண விழாவில் கலந்துகொண்டு, தேவதிக்கு திரும்பும்போது இந்த விபத்து நடைபெற்றது. பலியானவர்கள் தேவதியை சேர்ந்தவர்கள் ஆவார்.

தீயணைப்பு படையினரின் உதவியுடன் பள்ளத்திலிருந்து உடல்கள் மீட்கப்பட்டதாக துணை ஆய்வாளர் ஜெய்தேவ் கூறினார். 

படிக்க: கமல் - மணிரத்னம் படத்தின் வில்லன் இவரா?

விபத்தில் இறந்தவர்கள் அவினாஷ் மந்தா(24), சந்தீப்(40), சுமன்(22) மற்றும் ஹிமாணி(22) என அடையாளம் காணப்பட்டுள்ளனர். மேலும் ஷிவானி(22) காயமடைந்துள்ளார். 

விபத்து நடைபெற்ற இடத்தில் போலீஸார் விசாரணை மேற்கொண்டு வருகின்றனர்.