ஜி20 மாநாட்டுக்கான கூட்டறிக்கைக்கு உறுப்பு நாடுகள் ஒருமனதாக ஒப்புதல் அளித்துள்ளன. இதனைத் தொடர்ந்து விரைவில் கூட்டறிக்கை வெளியிடப்படவுள்ளது.

உக்ரைன் - ரஷியா போர் விவகாரம் தொடர்பாக ஒருமித்த கருத்து ஏற்படுவதில் இழுபறி நீடித்த நிலையில், கூட்டறிக்கைக்கு ஒப்புதல் அளிக்கப்பட்டுள்ளது. 

இந்தியா, ஐக்கிய அரபு அமீரகம், செளதி அரேபியா, ஐரோப்பிய ஒன்றிய நாடுகள் உள்ளிட்டவை பொருளாதார வழித்தடத்தில் இணைந்துள்ளன. ஜி20 மாநாட்டுக்கான கூட்டறிக்கை அம்சங்களில் ஒன்று இதுவாகும். 

ஜி-20 மாநாட்டில் மிக முக்கிய அம்சமாக உறுப்பினர்களின் கூட்டறிக்கை பார்க்கப்படுகிறது. கூட்டறிக்கை வெளியாக உதவிய அமைச்சர்கள், அதிகாரிகளுக்கு பிரதமர் நரேந்திர மோடி நன்றி தெரிவித்துள்ளார்.