கடந்த ஜூன் காலாண்டில் இந்தியாவின் வேலைவாய்ப்பின்மை விகிதம் முந்தைய நிதியாண்டின் அதே காலாண்டைப் போலவே 6.6 சதவீதமாக உள்ளது.

இது குறித்து தேசிய மாதிரி கணக்கெடுப்பின் (என்எஸ்எஸ்ஓ) தரவுகள் தெரிவிப்பதாவது:

கடந்த ஏப்ரல் முதல் ஜூன் வரையிலான நடப்பு 2024-25-ஆம் நிதியாண்டின் முதல் காலாண்டில் நாட்டின் வேலைவாய்ப்பின்மை விகிதம் மாற்றமில்லாமல் 6.6 சதவீதமாக உள்ளது. இது, முந்தைய 2023-24-ஆம் நிதியாண்டின் இதே காலாண்டிலும் இதே விகித்தில்தான் இருந்தது.

15 மற்றும் அதற்கு மேற்பட்ட வயதுடையோா் இடையே நிலவும் வேலைவாய்ப்பின்மை விகிதம் கடந்த ஜனவரி-மாா்ச் காலாண்டில் (2023-24-ஆம் நிதியாண்டின் கடைசி காலாண்டு) 6.7 சதவீதமாக இருந்தது. அதனுடன் ஒப்பிடுகையில் கடந்த காலாண்டில் வேலைவாய்ப்பின்மை விகிதம் சற்று குறைந்துள்ளது என்று அந்த தரவுகள் தெரிவிக்கின்றன.