ஜாதியின் பெயரால் மோதலைத் தூண்டும் எதிா்க்கட்சிகள்: பிரதமா் மோடி குற்றச்சாட்டு

‘இந்தியா’ கூட்டணி கட்சிகள், ஜாதியின் பெயரால் மக்களிடையே மோதலைத் தூண்டுகின்றன என்று பிரதமா் நரேந்திர மோடி குற்றம்சாட்டினாா். மத்தியில் ‘இந்தியா’ கூட்டணி ஆட்சிக்கு வந்தால், நாடு முழுவதும் ஜாதிவாரி கணக்கெடுப்பு நடத்தப்படும் என்பது காங்கிரஸின் முக்கிய வாக்குறுதியாக உள்ளது. இந்த நிலையில், பிரதமா் மோடி மேற்கண்ட குற்றச்சாட்டை முன்வைத்துள்ளாா். ‘தலித், பழங்குடியின சமூகத்தினா் உயா் பொறுப்புக்கு வருவதை எதிா்க்கட்சித் தலைவா்கள் பொறுத்துக் கொள்ள மாட்டாா்கள்’ என்றும் அவா் குற்றம்சாட்டினாா். உத்தர பிரதேசத்தில் உள்ள தனது மக்களவைத் தொகுதியான வாரணாசிக்கு வியாழக்கிழமை இரவு வருகை தந்த பிரதமா் மோடி, அங்கு ரூ.13,000 கோடிக்கும் அதிக மதிப்பிலான வளா்ச்சித் திட்டங்களின் தொடக்கம்-அடிக்கல் நாட்டும் விழா உள்பட பல்வேறு நிகழ்ச்சிகளில் வெள்ளிக்கிழமை பங்கேற்றாா். குரு ரவிதாசரின் 647-ஆவது பிறந்த தினத்தையொட்டி நடைபெற்ற நிகழ்ச்சியில் அவா் பங்கேற்றுப் பேசியதாவது: நாட்டின் ஒவ்வொரு காலகட்டத்திலும் துறவிகளின் போதனைகள் நமக்கு வழிகாட்டுகின்றன. ஜாதியின் பெயரால் யாரேனும் பாகுபாட்டில் ஈடுபட்டால், அது மனிதநேயத்தை சீா்குலைக்கும். ஜாதியின் பெயரால் மக்களிடையே மோதலைத் தூண்டுவதில் நம்பிக்கை கொண்ட ‘இந்தியா’ கூட்டணி கட்சிகள், தலித் மற்றும் விளிம்புநிலை மக்களின் நலனுக்கான அனைத்து திட்டங்களையும் எதிா்க்கின்றன. இதை தலித் மற்றும் பிற்படுத்தப்பட்ட பிரிவைச் சோ்ந்த ஒவ்வொருவரும் கருத்தில்கொள்ள வேண்டும். தங்கள் குடும்ப நலனுக்காக, ஜாதியின் பெயரால் அவா்கள் அரசியல் செய்கின்றனா். தங்கள் குடும்பத்தைத் தாண்டி வேறு எவரும் உயா் பொறுப்புகளுக்கு வருவது அவா்களுக்குப் பிடிக்காது. தலித், பழங்குடியின சமூகத்தினா் உயா் பொறுப்புகளுக்கு வருவதை பொறுத்துக் கொள்ள மாட்டாா்கள். இத்தகைய மனநிலை கொண்ட அரசியல் கட்சிகளிடம் மக்கள் எச்சரிக்கையாக இருக்க வேண்டும். குரு ரவிதாசரின் போதனைகளைப் பின்பற்றி, ஜாதியவாதத்தின் எதிா்மறை மனநிலையை புறக்கணிக்க வேண்டும். பிளவுபட்டிருந்த இந்தியாவை ஒருங்கிணைத்த பக்தி இயக்கத்தின் ஓா் அங்கமாக விளங்கியவா் ரவிதாசா். அவரது போதனைகளை ஏற்று, வளா்ச்சிப் பாதையில் பயணிக்கிறது இந்தியா. தலித் சமூகத்தினா், விளிம்புநிலை மக்கள் மற்றும் ஏழைகளின் முன்னேற்றத்தை நோக்கமாக கொண்டு, மத்திய பாஜக அரசு பணியாற்றுகிறது. எனவேதான், உலக அளவில் இந்தியா வளா்ச்சிப் பாதையில் பயணிக்கிறது என்றாா் பிரதமா் மோடி. பனாரஸ் ஹிந்து பல்கலைக்கழகம் அருகே உள்ள குரு ரவிதாசா் ஜன்மஸ்தான கோயிலையொட்டிய பூங்காவில் அமைக்கப்பட்டுள்ள அவரது சிலையையும் பிரதமா் திறந்துவைத்தாா். ராகுல் மீது சாடல்: வாரணாசியில் ரூ.13,000 கோடிக்கும் அதிக மதிப்பிலான பல்வேறு வளா்ச்சி திட்டங்களைத் தொடங்கிவைத்த பிரதமா், புதிய திட்டங்களுக்கு அடிக்கல் நாட்டினாா். பின்னா், பொதுக் கூட்டத்தில் பேசிய அவா், காங்கிரஸ் எம்.பி. ராகுல் காந்தியை கடுமையாக விமா்சித்தாா். ராகுல் காந்தி அண்மையில் பேசுகையில், ‘பிரதமரின் தொகுதியான வாரணாசியில் மதுபோதையில் சில இளைஞா்கள் தெருவோரம் விழுந்து கிடப்பதை நான் பாா்த்தேன்; உத்தர பிரதேச இளைஞா்களின் எதிா்காலம் மதுபோதையில் மூழ்கியுள்ளது’ என்று கூறியிருந்தாா். ராகுலின் கருத்துகளை விமா்சித்து, பிரதமா் கூறியதாவது: சுய அறிவு இல்லாத சிலா், காசியின் குழந்தைகளை போதைக்கு அடிமையானவா்கள் என்று குறிப்பிட்டுள்ளனா். என்னை அவமதிப்பதிலேயே பல ஆண்டுகள் செலவிட்ட காங்கிரஸ் கட்சியினா், இப்போது இளைஞா்கள் மீது விரக்தியை வெளிப்படுத்தியுள்ளனா். உத்தர பிரதேச இளைஞா்கள் மீதான இந்த அவமதிப்பை யாரும் மன்னிக்கப் போவதில்லை. அயோத்தியும் காசியும் செழிப்பது, காங்கிரஸுக்கு பிடிக்கவில்லை. கடவுள் ராமா் மீது காங்கிரஸுக்கு இந்த அளவு வெறுப்பு இருக்கும் என நான் நினைக்கவில்லை. தங்கள் குடும்பம் மற்றும் வாக்கு வங்கியைத் தாண்டி எதிா்க்கட்சிகளுக்கு வேறெதுவும் புலப்படுவதில்லை. தோ்தல் வரும்போது அவா்கள் ஒன்று சோ்கின்றனா். தோ்தல் முடிவு சாதகமாக அமையாவிட்டால், ஒருவரையொருவா் குறைகூறி பிரிந்துவிடுகின்றனா். உத்தர பிரதேசத்தில் அனைத்து மக்களவைத் தொகுதிகளையும் பாஜக கூட்டணிக்கு அளிக்க மக்கள் முடிவுசெய்துவிட்டனா். எதிா்க்கட்சிகள் டெபாசிட் தொகையை காப்பாற்றவே போராட வேண்டியிருக்கும் என்றாா் பிரதமா்.