காஷ்மீரில் மிதமான பனி மற்றும் மழை அடுத்த வாரத்தில் ஏற்படலாமென வானிலை ஆய்வு மையம் தெரிவித்துள்ளது.

பள்ளத்தாக்கில் நீடித்த வறட்சியான வானிலை ஜன.24 ஆம் தேதியோடு முடிவுபெறும் எனவும் சனிக்கிழமை மாலை மேகமூட்டத்துடன் வானம் இருக்குமெனவும் தெரிவிக்கப்பட்டுள்ளது.

ஜன.25-ல் ஜம்மு காஷ்மீரின் உயரமான பகுதிகளில் மிதமான பனிப்பொழிவு இருக்கலாம் எனவும் ஜன.26-28 தேதிகளில் மிதமான மழை மற்றும் பனி பொழிவுக்கு பரவலான இடங்களில் வாய்ப்பிருப்பதாகவும் தெரிவிக்கப்பட்டுள்ளது.

ஜன.29 முதல் 31 வரை மிதமான மற்றும் நடுத்தர மழை/பனிப் பொழிவு பல்வேறு இடங்களில் ஏற்படலாம் என வானிலை மைய அதிகாரிகள் தெரிவித்துள்ளனர்.

வறட்சியான மற்றும் பனி குறைந்த குளிர்காலம், காஷ்மீரில் உறையவைக்கும் இரவுகள் மற்றும் வழக்கத்தைவிட அதிக வெப்பமான நாள்களுக்குக் காரணமாகியுள்ளது.

இதையும் படிக்க: மக்களவைத் தொகுதிகளின் எண்ணிக்கையைப் பொருத்தே மோடி வருகை தருவார்: சஞ்சய் ரௌத்

ஸ்ரீநகர் பகுதியில் மிகக் குறைந்த வெப்பநிலை மைனஸ் 4.9 டிகிரி செல்சியஸ் வியாழக்கிழமை நிலவியதாகவும் முந்தைய இரவின் வெப்பநிலையான மைனஸ் 4.6 டிகிரி செல்சியஸை விட இது அதிகமெனவும் அதிகாரிகள் தெரிவித்தனர்.