புது தில்லி: இந்தியாவின் நிலக்கரி உற்பத்தி கடந்த ஜூன் மாதத்தில் 14.49 சதவீதம் உயா்வு கண்டுள்ளது.

இது குறித்து நிலக்கரித் துறை அமைச்சகத்தின் பூா்வாங்க புள்ளிவிவரங்கள் தெரிவிப்பதாவது:

கடந்த ஜூன் மாதத்தில் நாட்டின் நிலக்கரி உற்பத்தி 8.46 கோடி டன்னாக உள்ளது.

முந்தைய 2023-ஆம் ஆண்டின் அதே மாதத்தோடு ஒப்பிடுகையில் இது 14.49 சதவீதம் அதிகமாகும். அப்போது நாட்டின் நிலக்கரி உற்பத்தி 7.39 கோடி டன்னாக இருந்தது.

மதிப்பீட்டு மாதத்தில் கோல் இந்தியா லிமிடெட்டின் உற்பத்தி மட்டும் 6.31 கோடி டன்னாக உள்ளது. இது, 2023-ஆம் ஆண்டின் ஜூலை மாதத்தோடு ஒப்பிடுகையில் 8.87 சதவீதம் அதிகம்.

கடந்த ஜூன் மாதத்தில் இந்தியாவின் நிலக்கரி ஏற்றுமதி 8.58 கோடி டன்னாக உள்ளது. இது கடந்த ஆண்டு இதே மாதத்துடன் ஒப்பிடுகையில் 10.15 சதவீதம் அதிகமாகும்.

ஜூன் 30-ஆம் தேதி நிலவரப்படி, நாட்டின் நிலக்கரி நிறுவனங்களில் நிலக்கரி இருப்பு 9.50 கோடி டன்னாக உயா்ந்துள்ளது என்று அந்த அறிக்கையில் குறிப்பிடப்பட்டுள்ளது.

இந்தியாவின் ஒட்டுமொத்த நிலக்கரி உற்பத்தியில் கோல் இந்தியா நிறுவனத்தின் பங்களிபபு 80 சதவீதம் ஆகும்.