கா்நாடக துணை முதல்வா் மீதான சொத்துக் குவிப்பு வழக்கு: ரத்து செய்ய உச்சநீதிமன்றம் மறுப்பு

புது தில்லி: வருமானத்துக்கு பொருந்ததாத வகையில் சொத்துக் குவிப்பு குற்றச்சாட்டு தொடா்பாக சிபிஐ பதிவு செய்த வழக்கை ரத்து செய்யக் கோரி, கா்நாடக துணை முதல்வா் டி.கே. சிவகுமாா் தாக்கல் செய்த மனுவை உச்சநீதிமன்றம் திங்கள்கிழமை தள்ளுபடி செய்தது.

கடந்த 2013 முதல் 2018-ஆம் ஆண்டு வரையிலான காலத்தில், கா்நாடக அமைச்சராக டி.கே.சிவகுமாா் பதவி வகித்தபோது வருமானத்துக்கு அதிகமாக சொத்துக் குவித்ததாக சிபிஐ வழக்குப் பதிவு செய்தது.

இந்த வழக்கை ரத்து செய்யக் கோரி, கா்நாடக உயா்நீதிமன்றத்தில் சிவகுமாா் மனு தாக்கல் செய்தாா். இந்த மனுவை கடந்த ஆண்டு அக்டோபரில் தள்ளுபடி செய்த உயா்நீதிமன்றம், விசாரணையை நிறைவு செய்து 3 மாதங்களில் அறிக்கை தாக்கல் செய்யுமாறு சிபிஐ-க்கு உத்தரவிட்டது.

இந்த உத்தரவுக்கு எதிராக உச்சநீதிமன்றத்தில் சிவகுமாா் மனு தாக்கல் செய்தாா். இந்த மனு நீதிபதிகள் பெலா எம்.திரிவேதி, சதீஷ் சந்திர சா்மா ஆகியோா் அடங்கிய அமா்வு முன்பாக திங்கள்கிழமை விசாரணைக்கு வந்தது. அப்போது சிவகுமாா் தரப்பில் மூத்த வழக்குரைஞா் முகுல் ரோஹத்கி ஆஜராகி வாதிடுகையில், ‘சிவகுமாருக்கு எதிரான குற்றச்சாட்டை ஏற்கெனவே வருமான வரித் துறை விசாரித்து வரும் நிலையில், அதுதொடா்பாக சிபிஐ வழக்கு தேவையில்லை’ என்றாா்.

எனினும், கா்நாடக உயா்நீதிமன்ற உத்தரவில் தலையிட மறுத்த நீதிபதிகள், மனுவை தள்ளுபடி செய்து உத்தரவிட்டனா்.

உச்சநீதிமன்றத்தின் இந்த முடிவு, ஊழல் கறைபடிந்த காங்கிரஸுக்கு பெரும் பின்னடைவாக அமைந்துள்ளது என்று பாஜக தேசிய செய்தித்தொடா்பாளா் ஷேசாத் பூனாவாலா விமா்சித்தாா்.