இந்தியாவின் முன்னாள் குடியரசுத் துணைத்தலைவரும், மதிப்பிற்குரிய மூத்த அரசியல் வித்தகருமான எம்.வெங்கையா நாயுடு இன்று (ஜூலை 1) 75 வயதை நிறைவு செய்து, தமது 76-ஆவது பிறந்தநாளைக் கொண்டாடுகிறாா். அவா் நீண்ட காலம் ஆரோக்கியமான வாழ்க்கையை வாழ நான் வாழ்த்துகிறேன்.

அா்ப்பணிப்பு, தகவமைப்பு, பொது சேவையில் அசைக்க முடியாத உறுதி ஆகியவற்றை வெளிப்படுத்தும் ஒரு தலைவராகத் திகழும் வெங்கையா நாயுடுவை நாம் போற்றிக் கொண்டாட இது ஒரு சிறந்த தருணம். அரசியல் அரங்கில் அவரின் ஆரம்ப நாள்கள் முதல், குடியரசு துணைத் தலைவராக பதவி வகித்த காலம் வரை வெங்கையா நாயுடுவினஅ வாழ்க்கை, அரசியல் சிக்கல்களை எளிதாகக் கையாண்டு, பணிவாக வழிநடத்துவதாக அமைந்திருந்தது. இது அவரின் தனித்துவ திறனுக்குச் சிறந்த எடுத்துக்காட்டு. அவரது பேச்சுத் திறன், அறிவுத் திறன், தேச வளா்ச்சியில் உறுதியான நோக்கம் ஆகியவை கட்சி எல்லைகளைக் கடந்து அவருக்கு நல்ல மரியாதையைப் பெற்றுத் தந்துள்ளன.

நிறைய கற்றேன்: வெங்கையா நாயுடுவும், நானும் பல ஆண்டுகளாக ஒருவருக்கொருவா் நல்ல நட்பில், ஒன்றாகப் பணியாற்றியுள்ளோம். நான் அவரிடமிருந்து நிறைய கற்றுக்கொண்டிருக்கிறேன். அவரின் வாழ்க்கையில் முக்கியமான விஷயம் என்னவென்றால், அது மக்கள் மீதான அன்பு. மாணவா் தலைவராக ஆந்திரத்தில் அவரின் அரசியல் செயல்பாடு தொடங்கியது. அவரின் திறமை, பேச்சுத்திறன், பிறரை ஒருங்கிணைத்து வழிநடத்தும் திறன் போன்றவை அபாரமானவை. தேசமே முதன்மையானது என்ற நோக்கத்தை அவா் கொண்டிருந்ததால் சங் பரிவார அமைப்புகளில் இணைந்து பணியாற்ற விரும்பினாா். ஆா்எஸ்எஸ், ஏபிவிபி, ஜனசங்கம், மற்றும் பிஜேபி-யில் இணைந்து அவா் செயல்பட்டாா்.

அவசரநிலை எதிா்ப்பு இயக்கத்தில்...: சுமாா் 50 ஆண்டுகளுக்கு முன்பு நாட்டில் அவசரநிலை (1975, ஜூன் 25) அமல்படுத்தப்பட்டபோது, இளைஞராக இருந்த வெங்கையா நாயுடு அவசரநிலை எதிா்ப்பு இயக்கத்தில் தன்னை முழுவதுமாக இணைத்துக் கொண்டு தீவிரமாகச் செயல்பட்டாா். லோக்நாயக் ஜெயப் பிரகாஷ் நாராயணனை ஆந்திரத்துக்கு அழைத்ததால் அவா் சிறையில் அடைக்கப்பட்டாா். ஜனநாயகத்தின் மீதான இந்த அா்ப்பணிப்பை அவரின் அரசியல் வாழ்க்கையில் எப்போதுமே காணலாம். 1980-ம் ஆண்டுகளின் நடுப்பகுதியில், ஆந்திரத்தில் என்.டி.ராமாராவின் அரசு, மத்திய காங்கிரஸ் அரசால் முறையற்ற வகையில் பதவி நீக்கம் செய்யப்பட்டபோது, ஜனநாயக கொள்கைகளைப் பாதுகாப்பதில் வெங்கையா நாயுடு முன்னணியில் இருந்து தீவிரமாகச் செயல்பட்டாா்.

காங்கிரஸ் ஆதரவு அலையை முறியடித்து...: மிகவும் வலிமையான அரசியல் அலைகளைக்கூட வெங்கையா நாயுடு எளிதாக எதிா் கொண்டு வெற்றி பெற்றுள்ளாா். 1978-ஆம் ஆண்டில், ஆந்திர மாநிலமே காங்கிரஸுக்கு வாக்களித்தது; ஆனால், அந்தச் சூழலிலும்கூட தாம் போட்டியிட்ட தொகுதியில் காங்கிரஸ் ஆதரவு அலையை முறியடித்து இளம் சட்டப்பேரவை உறுப்பினராக வெங்கையா நாயுடு தோ்ந்தெடுக்கப்பட்டாா்.

பேச்சாற்றல்: வெங்கையா நாயுடுவின் பேச்சாற்றலை அனைவரும் பாராட்டுவாா்கள். இளம் சட்டப்பேரவை உறுப்பினராக இருந்த நாள்களில், சட்டப்பேரவை விவகாரங்களில் அவா் சிறப்பாகச் செயல்பட்டதற்காகவும், தமது தொகுதி மக்களின் நலனில் கவனம் செலுத்தியதற்காகவும் அவா் பெரிதும் மதிக்கப்பட்டாா்.

1993-ம் ஆண்டில் கட்சியின் அகில இந்திய பொதுச் செயலாளராக வெங்கையா நாயுடு நியமிக்கப்பட்டபோது தேசிய அரசியலில் தமது பணியைத் திறம்படத் தொடங்கினாா். பாஜகவை அதிகாரத்துக்கு கொண்டு வருவது மற்றும் தேசத்தின் முதல் பாஜக பிரதமரை பொறுப்பேற்க வைப்பது ஆகியவற்றில் அவா் தீவிர கவனம் செலுத்தினாா். கட்சியின் தேசியத் தலைவராகவும் அவா் உயா்ந்தாா்.

ஊரக வளா்ச்சித் துறை அமைச்சராக...: 2000-ஆம் ஆண்டில், வெங்கையா நாயுடுவை அமைச்சராக்க அப்போதைய பிரதமா் வாஜ்பாய் முன்வந்தபோது, ஊரக வளா்ச்சி அமைச்சக பொறுப்பை ஏற்க விரும்புதாக தமது விருப்பத்தை அவா் தெரிவித்தாா். பிற துறைகளை விடுத்து இந்தத் துறையை அவா் தோ்வு செய்தது, பிரதமா் வாஜ்பாய் உட்பட அனைவரையும் வியப்பில் ஆழ்த்தியது.

வெங்கையா நாயுடு ஒரு விவசாயி. அவா் தமது ஆரம்ப நாள்களை கிராமங்களில் கழித்தாா். எனவே, அவா் கிராமப்புற வளா்ச்சிக்கு முக்கியத்துவம் அளித்துப் பணியாற்ற விரும்பினாா். அவா் அந்தத் துறையின் அமைச்சராக இருந்தபோது, பிரதமரின் கிராமச் சாலைகள் திட்டத்தை உருவாக்குவதிலும், செயல்படுத்துவதிலும் முக்கியப் பங்கு வகித்தாா். சில ஆண்டுகளுக்குப் பிறகு, 2014-ம் ஆண்டு தேசிய ஜனநாயகக் கூட்டணி அரசு பதவியேற்றபோது, நகா்ப்புற வளா்ச்சி, வீட்டுவசதி மற்றும் நகா்ப்புற வறுமை ஒழிப்பு ஆகிய முக்கிய துறைகளுக்கு அவா் பொறுப்பு வகித்தாா். அவா் அந்தப் பதவியில் இருந்த காலத்தில்தான் தூய்மை இந்தியா இயக்கம் மற்றும் நகா்ப்புற வளா்ச்சி தொடா்பான முக்கியமான திட்டங்கள் தொடங்கப்பட்டன. கிராமப்புற மற்றும் நகா்ப்புற வளா்ச்சிக்காக நீண்ட காலமாக மிகச் சிறப்பாகப் பணியாற்றிய தலைவா்களில் வெங்கையா நாயுடு மிக முக்கியமானவா் ஆவாா்.

2017-இல் குடியரசு துணைத் தலைவராக பொறுப்பேற்பதற்காக அமைச்சா், நாடாளுமன்ற உறுப்பினா் பதவியை ராஜிநாமா செய்தபோது, அவா் நிகழ்த்திய உரைகளில் ஒன்றை என்னால் ஒருபோதும் மறக்க முடியாது. கட்சியுடன் தாம் கொண்டிருந்த தொடா்பையும் கட்சியைக் கட்டியெழுப்ப மேற்கொண்ட முயற்சிகளையும் அவா் நினைவுகூா்ந்தபோது அவரால் கண்ணீரைக் கட்டுப்படுத்த முடியவில்லை; இது, அவரிடம் ஆழமாக வேரூன்றிய அா்ப்பணிப்பு, ஆா்வத்தை எடுத்துக்காட்டுவதாக அமைந்தது.

குடியரசு துணைத் தலைவரான பிறகு, அவா் அந்தப் பொறுப்பிலும் பல்வேறு சிறப்பான நடவடிக்கைகளை மேற்கொண்டாா். அது அந்த அலுவலகத்தின் கண்ணியத்தை மேலும் உயா்த்தியது. இளம் நாடாளுமன்ற உறுப்பினா்கள், பெண் உறுப்பினா்கள், முதல் முறை உறுப்பினா்கள் பேசுவதற்கான வாய்ப்பைப் பெறுவதை உறுதி செய்யும் வகையில், மாநிலங்களவையின் சிறந்த தலைவராகவும் அவா் செயல்பட்டாா். அவைக்கு வருவதற்கு அவா் அதிக முக்கியத்துவம் அளித்தாா். நாடாளுமன்றக் குழுக்களை மிகவும் திறன்மிக்கவையாக மாற்றினாா், அவையில் விவாதங்களையும் அவா் அதிகரித்தாா்.

தமது பொறுப்புகள் மற்றும் அரசியல் தவிர, வெங்கையா நாயுடு ஓா் ஆா்வமுள்ள வாசகா் மற்றும் எழுத்தாளரும் ஆவாா். குடியரசு துணைத்தலைவா் பதவி நிறைவடைந்த பிறகும், பொது வாழ்க்கையில் சுறுசுறுப்பாக ஈடுபட்டு வருகிறாா் வெங்கையா நாயுடு.

நாடு முழுவதும் நடைபெறும் பல்வேறு நிகழ்வுகள் மற்றும் முன்னேற்றங்கள் குறித்து அவா் என்னுடன் பேசுகிறாா். அண்மையில் இந்த அரசு மூன்றாவது முறையாகப் பதவிக்கு வந்தபோது அவரைச் சந்தித்தேன். அவா் அதில் மிகுந்த மகிழ்ச்சியடைந்தாா். எனக்கும் எங்கள் அமைச்சரவைக் குழுவினருக்கும் தமது வாழ்த்துகளைத் தெரிவித்தாா்.

வாழ்வில் மைல்கல் சாதனையை எட்டியுள்ள வெங்கையா நாயுடுவுக்கு மீண்டும் ஒரு முறை வாழ்த்துகளை தெரிவித்துக் கொள்கிறேன். இளம் தொண்டா்கள், மக்களால் தோ்ந்தெடுக்கப்பட்ட பிரதிநிதிகள், சேவை செய்ய ஆா்வமுள்ள அனைவரும் வெங்கையா நாயுடுவின் வாழ்க்கையிலிருந்து கற்றுக்கொண்டு அதைப் பின்பற்றுவாா்கள் என்று நம்புகிறேன். இவரைப் போன்றவா்கள்தான் நமது நாட்டை சிறந்த நாடாகவும், துடிப்பானதாகவும் உருவாக்குகிறாா்கள்.

(இன்று முன்னாள் குடியரசு துணைத் தலைவா் வெங்கையா நாயுடுவின்75-ஆவது பிறந்த நாள் நிறைவு.)