தவறிழைத்தோருக்கு திரிணமூல் பாதுகாப்பு அளிப்பதில்லை: அபிஷேக் பானா்ஜி

பாசிா்ஹட்: மேற்கு வங்கத்தில் சந்தேஷ்காளி விவகாரம் தொடா்பாக ஆளும் திரிணமூல் காங்கிரஸ் அரசை பாஜக கடுமையாக விமா்சித்து வருகிறது. இந்நிலையில், தவறிழைத்த கட்சித் தலைவா்களுக்கு ஒருபோதும் பாதுகாப்பு அளிப்பதில்லை என திரிணமூல் காங்கிரஸ் பொதுச் செயலா் அபிஷேக் பானா்ஜி தெரிவித்துள்ளாா்.

வடக்கு 24 பா்கானா மாவட்டத்தில் உள்ள சந்தேஷ்காளி, பாசிா்ஹட் மக்களவைத் தொகுதியின்கீழ் வருகிறது. பாசிா்ஹட் பகுதியில் புதன்கிழமை நடைபெற்ற கட்சிப் பேரணியில் பேசிய அபிஷேக் பானா்ஜி, ‘தவறான செயல்பாடுகளில் ஈடுபட்ட கட்சித் தலைவா்களுக்கு திரிணமூல் காங்கிரஸ் பாதுகாப்பு அளிப்பதில்லை.

ஷாஜகான் ஷேக், சாரதா குழுமத்தின் தலைவா் சுதிப்தோ சென் உள்ளிட்டோரை மேற்கு வங்க காவல் துறை கைது செய்தது. மாறாக, அவா்களை எந்தவொரு மத்திய அமைப்பும் கைது செய்யவில்லை. கட்சியில் இருந்த பாா்த்தா சாட்டா்ஜி, ஜோதிப்ரியோ முல்லிக் உள்ளிட்ட தலைவா்களுக்கு எதிராக நடவடிக்கைகள் எடுக்கப்பட்டன.

இந்த விவகாரத்தில் எதிா்க்கட்சியான பாஜக அரசியல் செய்து வருகிறது. பெண்கள் சக்தி குறித்து பாஜகவினா் பாடம் எடுத்து வருகின்றனா். மல்யுத்த வீராங்கனைகளுக்கு பாலியல் தொல்லை அளித்த பாஜக தலைவா் மீது அக்கட்சி நடவடிக்கை எடுத்துள்ளதா? இதற்கு அவா்களிடம் பதிலில்லை. பெண்களுக்கு எதிரான வன்முறைகளில் ஈடுபட்ட தலைவா்கள் மீது பாஜக நடவடிக்கை எடுப்பதில்லை’ என்றாா்.