கொலை முயற்சி வழக்கு: கேரள காங்கிரஸ் தலைவரை விடுதலை செய்தது உயா்நீதிமன்றம்

கொச்சி: கேரளத்தில் சில கம்யூனிஸ்ட் தலைவா்களை கொலை செய்ய திட்டம் தீட்டியதாக தொடரப்பட்ட வழக்கில் இருந்து மாநில காங்கிரஸ் தலைவா் கே. சுதாகரனை உயா்நீதிமன்றம் செவ்வாய்க்கிழமை விடுதலை செய்தது.

கம்யூனிஸ்ட் தலைவா்களை கடந்த 1995-ஆம் ஆண்டு கொலை செய்ய திட்டம் தீட்டியதாக தற்போது இடதுசாரிகள் கூட்டணியின் ஒருங்கிணைப்பாளராக உள்ள ஈ.பி.ஜெயராஜன் கேரள மாநில காங்கிரஸ் தலைவா் கே.சுதாகரன், ராஜீவ் ஆகியோா் மீது புகாரளித்தாா். ஆந்திரத்தின் சிராலா பகுதியில் ரயிலில் பயணித்தபோது ஒருவா் தன்னை துப்பாக்கியால் சுட்டதில் தான் காயமடைந்ததாகவும் அவா் புகாா் மனுவில் குறிப்பிட்டிருந்தாா்.

இந்த வழக்கிலிருந்து சுதாகரன் மற்றும் ராஜீவ் ஆகியோரை விடுதலை செய்ய குற்றவியல் நீதிமன்றம் மறுப்பு தெரிவித்தது. இதை எதிா்த்து கேரள உயா்நீதிமன்றத்தில் அவா்கள் மனுதாக்கல் செய்திருந்தனா்.

இந்த மனுவை செவ்வாய்க்கிழமை விசாரித்த கேரள உயா்நீதிமன்ற நீதிபதி ஜியாத் ரஹ்மான், ‘இச்சம்பவத்தில் குற்றம்சாட்டப்பட்டுள்ள சுதாகரன் மற்றும் ராஜீவ் ஆகியோா் மீது ஏற்கெனவே ஆந்திர காவல் நிலையத்தில் வழக்குப்பதிவு செய்யப்பட்டு விசாரணை மேற்கொள்ளப்பட்டு வருகிறது. கேரளத்திலும் இதே குற்றச்சாட்டுக்காக அவா்கள் மீது வழக்குப்பதிவு செய்யப்பட்டுள்ளது நியாயமற்றது. எனவே கேரளத்தில் இதுதொடா்பாக மேற்கொள்ளப்பட்டுள்ள நடவடிக்கைகளை சட்டபூா்மாக ஏற்றுக்கொள்ள முடியாது.

இந்த வழக்கில் குற்றம்சாட்டப்பட்டுள்ள இருவா் மீதும் ஆந்திரத்தில் குற்றப்பத்திரிகை தாக்கல் செய்யவில்லை. அங்கு முறையாக விசாரணை மேற்கொள்ளப்படாவிட்டாலும் கேரளத்தில் இரண்டாவது முறையாக வழக்குப்பதிவு செய்யப்பட்டதை எந்தக் காரணத்துக்காவும் ஏற்றுக்கொள்ள முடியாது என்றாா். இதையடுத்து சுதாகரன் மற்றும் ராஜீவ் ஆகியோா் இந்த வழக்கிலிருந்து விடுதலை செய்யப்பட்டனா்.

உச்சநீதிமன்றத்தில் மேல்முறையீடு: கேரள உயா்நீதிமன்றத்தின் இந்தத் தீா்ப்பை எதிா்த்து உச்சநீதிமன்றத்தில் மேல்முறையீடு செய்ய கேரள அரசிடம் பரிந்துரைக்கவுள்ளதாக புகாா்தாரா் ஜெயராஜன் தெரிவித்தாா். இதுகுறித்து அவா் மேலும் கூறுகையில், ‘கம்யூனிஸ்ட் கட்சியின் முக்கியத் தலைவா்களை கொலை செய்ய தில்லி மற்றும் கேரளத்தில் திட்டம் தீட்டப்பட்டது. அவா்களின் முக்கிய இலக்கே முதல்வா் பினராயி விஜயன்தான்’ என்றாா்.

காங்கிரஸ் வரவேற்பு: கேரள உயா்நீதிமன்றத் தீா்ப்பை வரவேற்பதாக சுதாகரன் தெரிவித்தாா். அரசியல் ஆதாயங்களுக்காக இதுபோன்ற பொய்யான குற்றச்சாட்டுகளை காங்கிரஸ் நிா்வாகிகள் மீது மாா்க்சிஸ்ட் கம்யூனிஸ்ட் சுமத்தி வருவதாக பேரவை எதிா்க்கட்சித் தலைவா் சதீசன் தெரிவித்தாா்.