ஜம்மு-காஷ்மீர் 2-ஆம் கட்டத் தோ்தலில் மாலை 5 மணி நிலவரப்படி, 54% வாக்குகள் பதிவாகியுள்ளன.

ஜம்மு - காஷ்மீரில் 2-வது கட்டமாக ரியாசி, ரஜெளரி, பூஞ்ச், காஷ்மீா் பகுதியில் உள்ள ஸ்ரீநகா், புத்காம், கந்தா்பால் ஆகிய 6 மாவட்டங்களின் 26 பேரவைத் தொகுதிகளுக்கு இன்று(செப்.25) காலை வாக்குப்பதிவு தொடங்கி நடைபெற்று வருகிறது. இத்தோ்தலில் மொத்தம் 239 வேட்பாளா்கள் போட்டியிடுகின்றனர்.

இதையும் படிக்க | மீண்டும் வேளாண் சட்டங்கள்? - காங்கிரஸ் எதிர்ப்பு! மன்னிப்பு கேட்டார் கங்கனா

வாக்குச்சாவடிகளில் காவல் துறை, ஆயுதக் காவல்படை, மத்திய ஆயுத துணை ராணுவப் படைகளை சோ்ந்த அதிகாரிகள் பாதுகாப்புப் பணியில் ஈடுபட்டுள்ளனர்.

இந்நிலையில் வாக்குப்பதிவு விவரங்களை தேர்தல் ஆணையம் அவ்வப்போது வெளியிட்டு வருகிறது.

அதன்படி, ஜம்மு-காஷ்மீர் 2-ஆம் கட்ட வாக்குப்பதிவில் மாலை 5 மணி நிலவரப்படி 54 சதவீத வாக்குகள் பதிவாகியுள்ளதாக தேர்தல் ஆணையம் தகவல் தெரிவித்துள்ளது.

இதையும் படிக்க | 2 தொழிலதிபர்களுக்காக மட்டும்தான் அரசு இயங்குகிறது: ராகுல்

ஜம்மு-காஷ்மீரில் முதல் கட்டத் தேர்தல் செப். 18 ஆம் தேதி நடைபெற்றது. மூன்றாவது மற்றும் இறுதிக்கட்டத் தோ்தல் அக். 1ஆம் தேதி நடைபெறவுள்ளது. அக். 8 ஆம் தேதி வாக்கு எண்ணிக்கை நடைபெறுகிறது.