அர்ப்பணிப்பு, துணிச்சலுடன் பாதுகாக்கும் ராணுவ வீரர்களுக்கு ராணுவ நாள் வாழ்த்துகளை மக்களவை எதிர்க்கட்சித் தலைவரும் காங்கிரஸ் எம்பியுமான ராகுல் காந்தி தெரிவித்துள்ளார்.

இந்தியாவுக்கு 1949 ஆம் ஆண்டு ஜனவரி 15-ஆம் தேதி சுமார் 200 ஆண்டுகால பிரிட்டிஷ் ஆட்சிக்குப் பிறகு ராணுவத்தின் கட்டுப்பாடுகள் இந்தியர்கள் வசம் ஒப்படைக்கப்பட்டன. அதன் நினைவாக ஆண்டுதோறும் ஜனவரி 15-ஆம் தேதி ராணுவ நாளாக கொண்டாடப்படுகிறது. இந்த ஆண்டு 77-வது ராணுவ நாளை இந்தியா கொண்டாடுகிறது. 

இதுபற்றி ராகுல் காந்தி தன்னுடைய எக்ஸ் தளப் பக்கத்தில் வாழ்த்துப் பதிவு ஒன்றை வெளியிட்டுள்ளார்.

அந்தப் பதிவில், “இந்திய எல்லைகளை இரவும் பகலும் தங்கள் அசைக்க முடியாத அர்ப்பணிப்பு மற்றும் துணிச்சலுடன் பாதுகாக்கும் தைரியமிக்க ராணுவ வீரர்கள், முன்னாள் ராணுவ வீரர்கள் மற்றும் அவர்களது குடும்பத்தினருக்கு ராணுவ நாள் வாழ்த்துகள்.

ஒவ்வொரு இந்தியரும் உங்கள் அசாத்திய துணிச்சலுக்கும் தியாகத்துக்கும் வணக்கம். வாழ்க இந்தியா!” எனப் பதிவிட்டுள்ளார்.