பிகாரின் மஹுவா தொகுதியில் லாலுவின் மகன் தேஜ் பிரதாப் தோல்வியை தழுவினார்.

பிகாா் சட்டப் பேரவைத் தோ்தலில் முன்னாள் முதல்வா் லாலு பிரசாத் யாதவின் மூத்த மகனும், ஜனசக்தி ஜனதா தளம் கட்சித் தலைவருமான தேஜ் பிரதாப் மூன்றாவது இடத்தைப் பிடித்து தோல்வியடைந்தாா்.

மஹுவா தொகுதியில் போட்டியிட்ட அவரை எதிா்த்து ஆளும் கூட்டணி சாா்பில் லோக் ஜனசக்தி (ராம் விலாஸ்), எதிா்க்கட்சி கூட்டணி சாா்பில் ராஷ்ட்ரீய ஜனதா தளம் கட்சிகள் களமிறங்கின. இதில் லோக் ஜனசக்தி (ராம் விலாஸ்) வேட்பாளா் சஞ்சய் குமாா் சிங் சுமாா் 45,000 வாக்குகள் வித்தியாசத்தில் வென்றாா். அவா் மொத்தம் சுமாா் 88,000 வாக்குகளைப் பெற்றாா்.

ராஷ்ட்ரீய ஜனதா தளம் வேட்பாளா் 42,644 வாக்குகளுடன் இரண்டாவது இடம் பிடித்தாா். மூன்றாம் இடம் பிடித்த தேஜ் பிரதாப் யாதவுக்கு 35,703 வாக்குகள் கிடைத்தன. பிகாா் அமைச்சராகவும் தேஜ் பிரதாப் முன்பு பதவி வகித்துள்ளாா்.

கடந்த மே மாதம் தேஜ் பிரதாப் தனது ஃபேஸ்புக் பக்கத்தில், ‘ஓா் இளம் பெண்ணுடன் தொடா்பில் இருப்பதாக’ கூறியதுடன், அப்பெண்ணுடன் இருக்கும் புகைப்படங்களையும் பகிா்ந்தாா். இதையடுத்து, தேஜ் பிரதாப் யாதவை கட்சியில் இருந்து 6 ஆண்டுகளுக்கு நீக்குவதாக லாலு பிரசாத் அறிவித்தாா். அப்போது தேஜ் பிரதாப் ராஷ்ட்ரீய ஜனதா தளம் எம்எல்ஏவாகவும் இருந்தாா். தோ்தலுக்கு முன்பு அவா் தனிக்கட்சி தொடங்கினாா்.

உக்ரைன் தலைநகரில் ரஷியா பயங்கர தாக்குதல்! 6 பேர் பலி; 35 பேர் படுகாயம்!

இதையடுத்து, தேஜ் பிரதாப் யாதவை கட்சியில் இருந்து 6 ஆண்டுகளுக்கு நீக்குவதாக லாலு பிரசாத் அறிவித்தாா்.

இதனால் ஜனசக்தி ஜனதா தளம் என்ற பெயரில் புதிய கட்சியை அண்மையில் தொடங்கிய தேஜ் பிரதாப், மஹுவா தொகுதியில் போட்டியிட்டார் என்பது குறிப்பிடத்தக்கது.