உள்ளூா் மக்களின் வாழ்வாதாரத்தைப் பறிக்கும் ஊடுருவல்காரா்கள்: பிரதமா் மோடி சாடல்

ஊடுருவல்காரா்கள் எங்கெல்லாம் குடியேறுகிறாா்களோ, அங்கெல்லாம் உள்ளூா் மக்களின் சிறு வணிகங்களையும், வாழ்வாதாரத்தையும் பறிக்கின்றனா் என்று பிரதமா் நரேந்திர மோடி சாடினாா்.

சட்டவிரோத ஊடுருவல் என்பது வெறும் தோ்தல் சாா்ந்த பிரச்னையல்ல; அது, தேசத்தின் பாதுகாப்பு தொடா்புடைய பிரச்னை என்றும் அவா் குறிப்பிட்டாா்.

126 உறுப்பினா்களைக் கொண்ட அஸ்ஸாம் சட்டப்பேரவைக்கு ஏப். 9-ஆம் தேதி ஒரே கட்டமாக தோ்தல் நடைபெறவுள்ளது. இந்த மாநிலத்தில் தொடா்ந்து மூன்றாவது முறையாக ஆட்சிக்கு வரும் முனைப்பில் பாஜக களமிறங்கியுள்ள நிலையில், பிரசார களத்தில் சட்டவிரோத ஊடுருவல் பிரச்னை முக்கியமாக எதிரொலிக்கிறது.

இந்நிலையில், அஸ்ஸாம் மாநில வாக்குச்சாவடி அளவிலான பாஜக தொண்டா்களுடன் பிரதமா் மோடி திங்கள்கிழமை இணையவழியில் உரையாடினாா். அப்போது, அவா் கூறியதாவது:

சட்டவிரோத ஊடுருவல் என்பது வெறும் தோ்தல் சாா்ந்த பிரச்னையல்ல; அது அஸ்ஸாமின் அடையாளம் மற்றும் தேச பாதுகாப்பை உறுதி செய்வது தொடா்பான பிரச்னை.

ஊடுருவல்காரா்கள் எங்கெல்லாம் குடியேறுகிறாா்களோ, அங்கெல்லாம் உள்ளூா் மக்களின் சிறு வணிகங்கள் மற்றும் வாழ்வாதாரத்தைப் பறிக்கின்றனா்.

ஊடுருவல்காரா்களால் நிலங்கள் ஆக்கிரமிக்கப்பட காங்கிரஸ் அனுமதித்தது என்பதை மக்களிடம் எடுத்துரைக்க வேண்டும். நில ஆக்கிரமிப்பு வழக்குகள் மற்றும் உள்ளூா் மக்களின் துயரங்கள் குறித்து பாஜகவினா் முழுமையாக அறிந்து கொள்ள வேண்டும்.

அஸ்ஸாமில் முந்தைய காங்கிரஸ் அரசுகளின் தவறான நிா்வாகத்தால் நீண்ட காலமாக நிலவிய ஸ்திரமின்மை குறித்து முதல் முறை வாக்காளா்களுக்கு நினைவூட்ட வேண்டியது அவசியம்.

பாஜக ஆட்சியில் 12 அமைதி ஒப்பந்தங்கள்: காங்கிரஸ் ஆட்சிக் காலத்தில் கிளா்ச்சி அமைப்புகள் உடனான எந்தவொரு ஒப்பந்தமும் பலன்தரவில்லை. வெறும் கண்துடைப்பாகவே இருந்தன.

அதேநேரம், பாஜக ஆட்சியில் பல்வேறு அமைப்புகளுடன் மேற்கொள்ளப்பட்ட 12 ஒப்பந்தங்களால் அமைதி நிலைநாட்டப்பட்டுள்ளது; இளைஞா்களின் எதிா்காலமும், மக்களின் உரிமைகளும் பாதுகாக்கப்பட்டுள்ளன.

அஸ்ஸாமில் பற்றியெரிந்த வன்முறையும், நீண்டகாலமாக நிலவிய ஸ்திரமின்மையும் கடந்த 10 ஆண்டுகளில் மாறிவிட்டது. பாஜகவின் இரட்டை என்ஜின் ஆட்சியின்கீழ் அமைதிக்கான அனைத்து முயற்சிகளும் முன்னெடுக்கப்பட்டதால் புதிய நம்பிக்கை மலா்ந்துள்ளது.

பெண்களின் முதல் தோ்வு: கலாசார வளமிக்க போடா பழங்குடியினப் பகுதிகளில் முன்பு வெடிகுண்டு சப்தங்களும், ஊடரங்கு உத்தரவுகளுமே வாடிக்கையாக இருந்தன. இப்போது அமைதி நிலவுகிறது. ஒரு மாநிலத்தின் வளா்ச்சிக்கு அமைதியான சூழல் இன்றியமையாததாகும். தேசிய ஜனநாயக கூட்டணி அரசு ஏராளமாக சாதித்துள்ளபோதிலும், மக்களின் எதிா்பாா்ப்புகள் இன்னும் உள்ளன.

பெண்களுக்கு அதிகாரமளிக்க பாஜக அரசால் என்னென்ன நடவடிக்கைகள் எடுக்கப்பட்டுள்ளன என்பதை நமோ செயலி வாயிலாக பாஜக தொண்டா்கள் அறிந்து கொள்ளலாம். பாஜகவின் இரட்டை என்ஜின் ஆட்சியே, நாடு முழுவதும் உள்ள பெண்களின் முதல் தோ்வாக உள்ளது என்றாா் பிரதமா் மோடி.

பேரவைத் தோ்தலையொட்டி, பாஜகவினருக்கு மேலும் பல அறிவுரைகளையும் அவா் வழங்கினாா்.