குற்றாலத்தில் மதுபோதையில் குளித்த இளைஞர் பேரருவித் தடாகத்தில் மூழ்கி பலியானார்.

மதுரை வண்டியூர் சௌராஷ்டிர தெருவைச் சேர்ந்த இளைஞர் ஜவஹர். (23, த/பெ. கோபிநாத்). இவர் மருந்து விற்பனைப் பிரதிநிதியாகப் பணியாற்றுகிறார்..  இவர் நேற்று நள்ளிரவு 7 நண்பர்களுடன் குற்றாலத்துக்கு வந்துள்ளார். அதிகாலை 3 மணி அளவில் மது போதையில் அருவியில் குளித்துக் கொண்டிருந்த போது, நீரின் வேகத்தில் இழுத்துச் செல்லப்பட்டு பேரருவித் தடாகத்தில் விழுந்துள்ளார். நண்பர்கள் முயற்சி செய்தும் அவரைக் காப்பாற்ற முடியவில்லையாம். பின்னர் குற்றாலம் போலீஸார் வழக்கு பதிவு செய்து அவரது உடலை மீட்டனர்.