மேலூரில்  ரூ.4.5 லட்சம் மதிப்புள்ள லாரி திருட்டு

மதுரை மாவட்டம் மேலூரில் சாலையோரம் நிறுத்திவைக்கப்பட்டிருந்த லாரியை திருடிச்சென்றவர்களை போலீஸார் தேடி வருகின்றனர்.

மேலூர் தெற்குப்பட்டியை சேர்ந்தவர் அழகர்சாமி. இவருக்குச்சொந்தமான லாரியை திருவாதவூர் சாலையில் வழக்கம்போல நிறுத்தும் இடத்தில் 19-ம் தேதி இரவு நிறுத்திவைத்த டிரைவர் பாண்டி, லாரி சாவியை அழகர்சாமியிடம்கொடுத்துவிட்டு வீட்டுக்குச் சென்றாராம். இந்தநிலையில் காலையில் வந்துபார்த்தபோது லாரியைக் காணவில்லை.

பலஇடங்களில் தேடியும் லாரியைக் கண்டுபிடிக்க முடியாததால் மேலூர் போலீஸில் புகார் செய்தார் அழகர்சாமி. மேலூர் போலீஸார் லாரியைத் தேடிவருகின்றனர்.