தமிழ்நாடு அரசு பணியாளர் தேர்வாணையம் நடத்தும் குரூப்-2 தேர்வை விருதுநகர் மாவட்டத்தில் 21284 பேர் தேர்வு எழுத இருக்கிறார்கள்.

அரசு பணியாளர் தேர்வாணையம் நடத்தும் குரூப்-2வில் அடங்கும் பணிகளுக்கான சிறைத்துறை நன்னடத்தை அலுவலர், துணை வணிக வரி அலுவலர், சார் பதிவாளர்-நிலை-2 அலுவலர், நிதித்துறை உதவி பிரிவு அலுவலர், இளநிலை வேலைவாய்ப்பு அலுவலர், வருவாய் துறையில் அலுவலர் உள்ளிட்ட 19 வகையான  காலிபணியிடங்களுக்கான தேர்வு டிச.1ம் தேதி நடைபெற இருக்கிறது.

விருதுநகர் மாவட்டத்திலிருந்து இத்தேர்வு எழுதுவதற்கு 21284 பேர் விண்ணப்பம் செய்திருக்கின்றனர். இவர்களுக்காக விருதுநகர் 7 மையங்களில் 4683 பேரும், அருப்புக்கோட்டையில் 8 மையங்களில் 4584 பேரும், ராஜபாளையத்தில் 10 மையங்களில் 4287 பேரும், சிவகாசியில் 11 மையங்களில் 4090 பேரும், ஸ்ரீவில்லிபுத்தூரில் 6 மையங்களில் 3640 பேரும் என மொத்தம் 42 மையங்களில் தேர்வு எழுதுவதற்காக அமைக்கப்பட்டு்ள்ளன. இத்தேர்வு மையங்களுக்கான கண்காணிப்பாளர்கள், பறக்கும் படை அலுவலர்கள் உள்ளிட்ட மேற்பார்வையாளர்கள் ஆகியோர் நியமனம் செய்யப்பட்டுள்ளனர். மேலும், இத்தேர்வுக்கான ஏற்பாடுகள் மும்முரமாக நடந்து வருவதாக ஆட்சியர் டி.என்.ஹரிஹரன் தெரிவித்தார்.