மதுரை பங்கஜம் காலனியைச் சேர்ந்தவர் சத்தியமூர்த்தி. அரிசி, பருப்பு வியாபாரம் செய்து வருகிறார். இவர், நாகர்கோவிலில் வியாபாரம் செய்த பணத்தை வசூல் செய்துவிட்டு மதுரை திரும்பினார். இந்நிலையில், அவர் மதுரை காமராஜர் காலனி சௌராஷ்டிரா பள்ளியின் அருகே வந்தபோது, 4 பேர் கொண்ட கும்பல் ஆட்டோவில் வந்து, அவரது இரு சக்கர வாகனத்தை வழிமறித்தது. அவரை மிரட்டி, ரூ.15 லட்சம் பணத்தை கொள்ளை அடித்துச் சென்றது.

இச்சம்பவம் குறித்து மதுரை தெப்பக்குளம் போலீசார் வழக்கு பதிவு செய்து கொள்ளையர்களை தேடி வருகின்றனர்.