கபாலீஸ்வரர் கோயிலில் இன்று தேர் திருவிழா

சென்னை மயிலாப்பூர் கபாலீஸ்வரர் கோயிலில் தேர் திருவிழா வியாழக்கிழமை (மார்ச் 13) நடைபெறவுள்ளது.

  கபாலீஸ்வரர் கோயிலில் பங்குனித் திருவிழா வெள்ளிக்கிழமை (மார்ச் 7) கொடியேற்றத்துடன் தொடங்கியது. இதில் முக்கியத் திருவிழாவான தேர் திருவிழா மார்ச் 13-ஆம் தேதியும், வெள்ளி விமானத்தில் இறைவன் அறுபத்து மூன்று நாயன்மார்களோடு காட்சியளிக்கும் திருவிழா மார்ச் 14-ஆம் தேதியும் நடைபெறவுள்ளது.

இத் திருவிழாவையொட்டி நாதஸ்வர நிகழ்ச்சிகள் 7ஆம் தேதி முதல் 16ஆம் தேதி வரையும், ஆன்மிக சொற்பொழிவுகள் மற்றும் கலை நிகழ்ச்சிகள் 18ஆம் தேதி முதல் 27ஆம் தேதி வரை நடைபெறுகிறது.