பெரம்பலூர் அருகே குரும்பலூரில் உள்ள பாரதிதாசன் பல்கலைக் கழக முதுகலை விரிவாக்க மையத்தில் முதலாம் ஆண்டு மாணவர் சேர்க்கைக்கான நுழைவுத்தேர்வு ஜுலை 8 ஆம் தேதி நடைபெற உள்ளது.

இதுகுறித்து முதுகலை விரிவாக்க மையத்தின் இயக்குநர் ஆர். மாலதி செவ்வாய்க்கிழமை வெளியிட்ட செய்திக் குறிப்பு:

குரும்பலூரில் உள்ள பாரதிதாசன் பல்கலைக் கழக முதுகலை விரிவாக்க மையத்தில் முதுகலை பாட பிரிவுகளான எம்.எஸ்.சி உயிர்தொழில்நுட்பவியல்,  நுண்ணுயிரியல், கணினி அறிவியல் மற்றும் கணிதவியல் ஆகிய பாடப்பிரிவுகளில் சேர்க்கைக்காக விண்ணப்பித்துள்ள மாணவ, மாணவிகளுக்கான நுழைவுத்தேர்வு, கலந்தாய்வு மற்றும் நேர்காணல் ஜுலை 8 ஆம் தேதி காலை 10 மணியளவில் நடைபெறுகிறது. எனவே, இப்பாட பிரிவுகளுக்கு விண்ணப்பித்துள்ள மாணவ, மாணவிகளும் பங்கேற்கலாம்.