தலைமைத் தேர்தல் ஆணையர் உள்பட 3 தேர்தல் ஆணையர்களின் ஊதியம் 2 மடங்கு உயர்த்தப்பட்டுள்ளது.

உச்ச நீதிமன்ற நீதிபதிகள், உயர் நீதிமன்ற தலைமை நீதிபதிகளின் ஊதியம் கடந்த 25ஆம் தேதி அதிகரிக்கப்பட்டது. இதன்படி, உச்ச நீதிமன்ற நீதிபதிகள், உயர் நீதிமன்ற தலைமை நீதிபதிகளின் மாத ஊதியம் ரூ.2.50 லட்சமாக தற்போது உள்ளது.

தலைமைத் தேர்தல் ஆணையர் உள்ளிட்ட 3 தேர்தல் ஆணையர்களின் மாத ஊதியம் தற்போது ரூ.90 ஆயிரமாக உள்ளது. இது ரூ.2.50 லட்சமாக அதிகரிக்கப்பட்டுள்ளது. இந்த ஊதிய உயர்வானது, 2016ஆம் ஆண்டு ஜனவரி மாதம் 1ஆம் தேதியிலிருந்து முன்தேதியிட்டு வழங்கப்படவுள்ளது. இந்தத் தகவலை தேர்தல் ஆணைய மூத்த அதிகாரிகள் தெரிவித்தனர்.