கர்நாடகத்தில் ஒரே குடும்பத்தை சேர்ந்த எம்.பி., எம்.எல்.ஏ. உள்பட 12 பேருக்கு கரோனா

குல்பர்காவைச் சேர்ந்த பாஜக எம்.பி. மருத்துவர் உமேஷ் ஜாதவ் மற்றும் அவரது மகனும் சட்டமன்ற உறுப்பினருமான அவினாஷ் ஜாதவ் ஆகியோரது குடும்ப உறுப்பினர்கள் மற்றும் ஊழியர்கள் என 12 பேருக்கு கரோனா இருப்பது உறுதி செய்யப்பட்டுள்ளது.

இதுகுறித்து எம்.பி. உமேஷ் கூறுகையில், எனது குடும்ப உறுப்பினர்கள் மற்றும் ஊழியர்கள் என மொத்தம் 12 பேருக்கு கரோனா தொற்று இருப்பது உறுதி செய்யப்பட்டுள்ளது. 

நேற்று எனது மனைவி, மகள், மருமகள் மற்றும் எனது ஓட்டுனர் உள்ளிட்ட எனது குடும்ப உறுப்பினர்கள் அனைவரும் மருத்துவமனையில் அனுமதிக்கப்பட்டுள்ளோம் என கூறினார்.

சட்டமன்ற உறுப்பினர் ஜாதவ் கூறுகையில், எனது இரண்டு உதவியாளர்கள், எனது மகனின் உதவியாளர் மற்றும் ஒரு ஓட்டுனருக்கு தொற்று இருப்பது உறுதி செய்யப்பட்டதாக கூறினார்.