ஹாலிவுட் நடிகர் டாம் ஹாங்க்ஸ், மனைவி ரீட்டா வில்சனுக்கு கரோனா வைரஸ் உறுதி

லாஸ் ஏஞ்சல்ஸ்: பிரபல ஹாலிவுட் சூப்பர் ஸ்டார் டாம் ஹாங்க்ஸ் மற்றும் அவரது மனைவி ரீட்டா வில்சன் ஆகியோருக்கு கரோனா வைரஸ் தொற்று பாதிப்பு இருப்பது உறுதி செய்யப்பட்டுள்ளதாக அறிவித்துள்ளனர். 

இதுதொடர்பாக 63 வயதான ஹாங்க்ஸ் கூறியிருப்பதாவது: 
எங்களுக்கு சளி, சில உடல் வலிகள் இருந்தது. சற்று சோர்வாக காணபட்டோம். ரீட்டாவுக்கு சில குளிர் காய்ச்சலும் வந்து போயின. 

இதையடுத்து இருவரும் மருத்துவ ஆலோசனையைப் பெற்றோம். அதில், கரோனா வைரஸ் தொற்று பாதிப்பு இருப்பது உறுதி செய்யப்பட்டுள்ளது. 

கரோனா பாதிப்பை அடுத்து "பொது சுகாதாரம் மற்றும் பாதுகாப்பு தேவைப்படும் வரை நாங்கள் தனிமைப்படுத்தி ஆஸ்திரேலியா அரசால் சிகிச்சை பெற்று வருகிறோம் என்று கூறியுள்ளார்.