மேற்குவங்க பட்ஜெட் கூட்டம்: எதிர்க்கட்சிகள் வெளிநடப்பு

மேற்குவங்க சட்டப்பேரவையின் பட்ஜெட் கூட்டத்தில் பங்கேற்காமல் எதிர்க்கட்சிகள் வெள்ளிக்கிழமை வெளிநடப்பு செய்தனர்.

நாடு முழுவதும் உள்ள பல மாநிலங்களின் பட்ஜெட் கூட்டத்தொடர் நடைபெற்று வருகின்றன. இந்நிலையில், மேற்குவங்கத்தின் பட்ஜெட் கூட்டம் இன்று நடைபெற்றது.

மாநில நிதித்துறை அமைச்சர் அமித் மித்ரா உடல்நலக் குறைவால் கூட்டத்தில் பங்கேற்காததால், நிதியாண்டு 2021-22க்கான பட்ஜெட்டை முதல்வர் மம்தா பானர்ஜி தாக்கல் செய்து வருகிறார்.

இந்த கூட்டத்தில் பங்கேற்காமல், எதிர்கட்சிகளான காங்கிரஸ் மற்றும் இடதுசாரிகள் வெளிநடப்பு செய்தனர்.

இதனிடையே ஆண்டின் முதலாவது சட்டப்பேரவைக் கூட்டத்திற்கு ஆளுநரை அழைக்காததை எதிர்த்து பாஜகவினர் அமளியில் ஈடுபட்டு வருகின்றனர்.