புதுவையில் பள்ளிகள் செயல்படும் நாள்கள் குறைப்பு

புதுச்சேரியில் கரோனா நோய்த்தொற்று அதிகரித்து வருவதை அடுத்து, 5 நாள்கள் மட்டுமே பள்ளிகள் செயல்படும் என மாநில அரசு வெள்ளிக்கிழமை அறிவித்துள்ளது.

கரோனா பொதுமுடக்கத்திற்கு பின் தொடங்கப்பட்ட புதுச்சேரி பள்ளிகளில் வாரத்திற்கு 6 நாள்கள் செயல்படும் என தெரிவித்திருந்தனர்.

இந்நிலையில், மீண்டும் கரோனா அதிகரிக்க தொடங்கியதால், மாணவர்களின் நலன் கருதி வாரத்திற்கு 5 நாள்கள் மட்டுமே பள்ளிகள் செயல்படும் எனவும், சனிக்கிழமை விடுமுறை எனவும் மாநில அரசு அறிவித்துள்ளது.

இதற்குமுன் நடைபெற்ற உயர்மட்டக் கூட்டத்தில், புதுச்சேரி சுகாதாரத்துறை இயக்குநர், புதுச்சேரியில் தற்காலிகமாக பள்ளிகளை மூட வேண்டும் என்று ஆளுநருக்கு பரிந்துரை செய்தது குறிப்பிடத்தக்கது.