முறை மாப்பிள்ளை படத்தின் மூலம் நாயகனாக அறிமுகமானவர் நடிகர் அருண் விஜய். பாண்டவர் பூமி, இயற்கை, மலை மலை, தடையற தாக்க ஆகிய படங்களின் மூலம் தனக்கென தனி ரசிகர்கள் கூட்டத்தைப் பெற்றார்.

இயக்குநர் ஏ.எல்.விஜய் இயக்கத்தில் அருண் விஜய் நடித்த மிஷன் சேப்டர்-1 திரைப்படம் கடந்த ஜன.12 ஆம் தேதி உலகளவில் வெளியாகி நல்ல விமர்சனங்களைப் பெற்று வெற்றிப் படமானது. வசூல் ரீதியாகவும் ரூ.30 கோடி வசூலித்திருக்கலாம் என எதிர்பார்க்கப்படுகிறது.

இந்நிலையில், இப்படம் வருகிற மார்ச் 15 ஆம் தேதி சன் நெக்ஸ்ட் (இந்தியாவிற்குள்), சிம்ப்ளி சௌத் (வெளிநாடு) ஓடிடியில் வெளியாக உள்ளதாகத் தகவல்.