மே 11-ம் தேதி தமிழக சட்டப்பேரவை கூடுகிறது!

சென்னை: தமிழக சட்டப்பேரவையின் முதல் கூட்டத்தொடர் 11 -ஆம் தேதி சென்னை கலைவாணர் அரங்கத்தில் நடைபெறும் என சட்டப்பேரவை செயலர் சீனிவாசன் அறிவித்துள்ளார். 

இதுதொடர்பாக  சட்டப்பேரவை செயலர் சீனிவாசன் வெளியிட்டுள்ள அறிவிப்பில் கூறியிருப்பதாவது: 

தமிழக  16-ஆவது சட்டப்பேரவையின் முதல் கூட்டத்தொடர் வரும் 11 -ஆம் தேதி சென்னை கலைவாணர் அரங்கின் 3-ஆவது தளத்தில் நடைபெறுகிறது. 

அன்றைய தினம் தேர்தலில் வெற்றி பெற்ற புதிய பேரவை உறுப்பினர்கள் பேரவையில் பதவியேற்றுக் கொள்கின்றனர். 

தேர்தல் வெற்றி சான்றிதழை தவறாமல் உறுப்பினர்கள் கொண்டுவர வேண்டும்.

12 ஆம் தேதி சபாநாயகர், துணை சபாநாயகர் தேர்தல் 12 -ஆம் தேதி காலை 10 மணிக்கு நடைபெறும் என்று சட்டப்பேரவை செயலர் சீனிவாசன் தெரிவித்துள்ளார். 

தற்போது முழு ஊரடங்கை அமல்படுத்துவது குறித்து ஆலோசிக்க நாளை ஞாயிற்றுக்கிழமை காலை 11.30 மணியளவில் தமிழக அமைச்சரவைக் கூட்டம் நடைபெறுவதாக தகவல் வெளியாகியுள்ளது.